Wednesday, December 1, 2021

Dr Sasa: Ramdang nih a kan zoh sawh peng ahcun ramchung ral fakpi a tho lai, mipi a runrun in an thi lai

Rammi Lungrualnak Cozah (NUG) biachimtu Dr. Sasa cu BBC nih ‘NUG nan dirh cang si kaw, atu hi ramdang bawmhnak zei tluk in dah a biapit?’ tiah a hal.

Dr. Sasa nih, “Atu cu Democracy ram vialte nih Rammi Lungrualnak Cozah (NUG) hi an cohlan hrimhrim a hau. Lamdang pakhat hmanh a um lo. NUG lawng hi Myanmar daihnak le luatnak caah lam asi,” tiah a leh.

“Atu cu Myanmar ralkap hi ralhrang bu ah aa chuah cang. Minung 740 leng an thah cang hna.

“[2020] kan thimnak phichuak, kan luatnak le democracy an fir lawng hmanh si loin, Myanmar mipi an thah thluahmah hna.

“Myanmar mipi nuai 54 hi ni fatin thinphang le lungrethei in an tuah peng hna. Khuapi pakhat hnu pakhat, khuate pakhat hnu pakhat an kal i mipi an thah thluahmah hna.

“Ramdang nih kanmah NUG hi a kan cohlan lo i atu bantukin zeihmanh tuah loin a kan zoh sawhsawh peng ahcun, hrial khawh asi ti lomi ramchung ral fakpi a tho lai. Rammi a runrun in thah an tong lai,” ati.

- Advertisement -