15.3 C
Hakha
Thursday, September 23, 2021
- Advertisement -

Ṭial Tharmi

Dr Sasa: Ralkap nih an ka tlaih cun an ka thah lai

Rammi Lungrualnak Cozah (NUG) biachimtu Dr. Sasa cu BBC nih, “Nangmah le NUG a dirhtu na ṭuan hawi pawl himnak kongah zei tluk in dah na thinphang?” tiah a hal.

Dr. Sasa nih, “Mah thil kan tuahmi hi kan rammi hna caah kan nunnak thap in kan tuahmi asi. Ralkap nih thihdan peknak a simi ‘ram rawitu’ case in taza an ka cuai. An ka tlaih ahcun, an ka thah lai,” tiah a leh.

A hngal rih lomi um aikun – Myanmar ralkap nih March 16 ahkhan ‘ram rawitu cu thihdan pek (thah) khawh an si’ tiin nawl a chuah.

Dr. Sasa nih, “Nain, kan mipi caah kan nunnak thap lo in cun zeihmanh thim awk kan ngei lo. Democracy kan duh, luatnak kan duh, dinnak kan duh.

“Mah democracy, luatnak le dinnak kan hmuh hlan lo cu kan i din lai lo. A sung kan khan lai lo. Kan ngol lai lo.

“Rammi Lungrualnak Cozah (NUG) hruaitu vialte cu, kan rammi hna caah kan nunnak kan thap dih,” ati.

A tang video a donghnak lei ah zoh khawh asi.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -