Dr. Sasa nih a zaamnak kong a chim

- Advertisement -

Myanmar UN Special Palai Dr. Sasa cu CNN thawngla Amanpour nih, “ralkap nih uknak an chuh ni ahkhan Daw Aung San Suu Kyi he nan um rua ka ti, zeitin dah na zaam khawh ning si ti na ka chim kho hnga maw?,” tiah a hal.

Dr. Sasa nih, “cozah thar ah rank sang rian pek an ka timh. Nain, February 1 zingka kan thawh cun ralkap nih a kan tlaih i hmunkip kakip ah ralkap lawngte an khat dih. A chiakha taktak khi si.

“Myanmar mipi nih anmah hruaitu dingah an thimmi MP vialte (Naypyitaw ah Hluttaw meeting kai aa thawhmi) zong ralkap nih an tlaih dih hna. A chiakha lawlaw khi si.

“A rannak in zaam law mah thawngpang hi va chim an ka ti caah taxi mong bantukin thil kaa hruk i ni 3 le zaan 3 chung ka zaam hnu ah atu ka umnak hmun hi ka phan,” tiah a leh.

CNN nih, “[na zaam hnu ah] Aung San Suu Kyi he nan i chawn kho maw?” tiah a hal chap.

Dr. Sasa nih, “Kan i chawn kho lo, hohmanh nih an chawn kho lo. Meithal in an congh hna i lenglei mi an pehtlai ter hna lo. A sihni pawl hmanh nih an chawn kho lo.

“Mah ruang cun a ngandamnak kongah kan lungrethei. Zeitin dah an tuah ti zong kan hngal lo. Kan president U Win Myint zong mah ti cun an tlaihhren ve. Adang zong tampi an tlaih hna, a thong leng an tlaih hna,” tiah a leh.

Atang CNN video ah zoh khawh si

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...