15.6 C
Hakha
Sunday, June 20, 2021
- Advertisement -

Ṭial Tharmi

Dr. SaSa: Ka Lunglawmhnak Ka Hrawmpi Ve U, Ka Fale 3 nih Sibawi Degree an Ka Lak Piak Ṭhan

Dr. SaSa nih a bawmhmi Laimi 3 cu tuni ah China ram i Ningxia Medical University in sibawi (MBBS) degree an la.

Dr. SaSa nih a chim ning ahcun Beichochai, Ngunzalian le Meipaw Rokye cu Chin state ah Tang 10 an awn hnu ah Dr. SaSa te sin Health and Hope ah kum 1 chung mizaw zohkhenh an cawng.

Mah hnu ah India ram Shillong khua ah Tang 11 le 12 an kai. An awnnak mark a ṭhat tuk caah university an kai khawhnak hnga fak piin Pathian sinah thla an cam, an i zuam.

Mah hnu ah, UK ram London khuapi hrambunh Prospect Burma Scholarship Programs nih a bawmh hna i China ram Ningxia Medical University ah sibawi an kai.

Tuni, 2020 June 30 ah an 3 ning tein sibawi (MBBS) degree an la.

Dr. SaSa aa lawm tuk i “hi mi ralṭha, mi lungṭhawng, aa zuammi le kan fanaule caah zohchun awktlak 3 hi lawmhpi cio hna usih” tiah Facebook ah a ṭial.

“Liamcia kum 12 ahcun Health and Hope ah keimah te lawng sibawi ka si. Kum 12 hnu ahcun kan sinah mizaw zohkhenh a cawngmi kan fanaule 10 bak sibawi le nurse kan siter hna.”

“Minung 6 engineer kan siter hna. Kan fanaule dang tampi zong subject dangdang in bachelor degree an hmu cang.”

“Mah vialte hi kan siangngakchia hna an i zuamnak, zumhnak le ruahchannak theipar le bu dangdang hna nih a kan bawmhnak thawngin asi.”

“Nan dihlak cungah ka lawm tuk, Pathian nih thluachuah in pe ko hna seh,” ati.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -