Dr. Sasa: ‘Caankarlak Cozah’ kan dirh lai, ramdang nih kan bawm uh

- Advertisement -

Rampumpi Hluttaw Aiawhtu Kawmiṭi (Committee Representing Pyidaungsu Hluttaw – CRPH) nih UN Special Palai rian a pekmi Dr. Sasa cu US media tumtlang CNN nih interview a tuah.

Dr. Sasa nih, “Ralkap nih mipi a kan thahnawn caah Myanmar mipi hohmanh an him ti lo. Cucaah pakhatnak bikah ‘himnak’ kan herh. Mah ruang cun ramdang nih a kan ven a herh.

“Ram pakhat nih a rammi a ven lo ahcun ramdang nih ven ding timi phungphai bangin ramdang nih Myanmar mipi hi ralkap kut in a kan ven a hau. Cucaah ‘ramdang nih Myanmar mipi kan veng uh’ tiin kan hal hna lio asi.

“Pahnihnak ah, ramdang vialte hi, Myanmar mipi nih an hruaitu dingah democracy phung ning tein an thimmi MP pawl (CRPH) he rian an ṭuan hau.

“A ra laimi zarh chungah ‘Caankarlak Cozah (Interim Government) kan dirh lai.

“Caankarlak Cozah nih uknak firtu ralkap cozah kan doh lai.

“Cucaah, November 8, 2020 ah Myanmar mipi nih an thimmi cozah (caankarlak cozah dirh dingmi) hi ramdang vialte nih a kan cohlan le kanmah he rian an ṭuanṭi a herh.

“Luatnak le democracy a aupitu ramdang hi Myanmar ralkap bawi lei ah an ṭan awk si lo. Myanmar mipi duhnak hi an dirkamh hrimhrim a herh. Cucaah Myanmar mipi duhnak tlinter dingin a kan bawmh hrimhrim a herh.

“Ka mi hna, Myanmar mipi hna nih hin tangka kan in hal hna lo. Zeihmanh kan in hal hna lo. Kan luatnak ngah ṭhan kan bawm uh ti lawnglawng hi kan in halmi hna asi.

“Luatnak kan duh. Dinfelnak kan duh. Democracy kan duh. Federal kan duh. Daihnak kan duh. Mah hi kan ngah ahcun zeipaoh kan ngah chih dih ko lai,” ati.

Dr. Sasa le Kawlram kan unau vialte tha peknak caah le kan ram federal democracy ngahnak caah share cio usih.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...