14.7 C
Hakha
Wednesday, October 20, 2021
- Advertisement -

Ṭial Tharmi

Dr. Ngun Cung Lian telhin tlaihmi minung 3 cu ralkap nih kan thlah colh hna lai an ti

Hakha ah atu hi ralkap nih minung 3 an tlaih hna. Rungtlang ralkap sakhan ah an chiah hna.

Tu zingka sml 10:30am hrawng ah ralkap nih Dr. Ngun Cung Lian Hakha Clinic ah an tlaih.

Ralkap nih an chimnak ahcun Dr. Ngun Cung Lian hi tlaih an duhmi si lo. Tlaih an timhmi a si lo.

Dr. Cung Pi timi CDM lamzawh i mino caawlcanghnak ah bochanmi, hruaitu Dr. Biak Cung Lian tu ralkap nih an kawlmi a si.

Nain, Dr. Ngun Cung Lian cu an tlaih cang caah Hakha mino 500 in 1,000 kar nih Rungtlang ralkap sakhan luhnak hram ah thlah piak dingin an hngah.

A dang an tlaihmi hna cu Salai Van Ceu Thawng le Peter Thian Bawm Sang an si. An mah pahnih zong tu hi Rungtlang ralkap sakhan ah an um lio a si.

Ralkap nih kan thlah colh ko hna lai an ti caah mino tam deuh cu khua chung lei ah an kir cang tiah kan theih.

Atu lio Hakha dirhmun cu a rem lo ngai caah atu hi mino cawlcaanghnak le media lei zong an i ralrin.

The Hakha Times zong nih tuni thok in rikhiah mi nicaan um loin kan cachuah (print) kan ngol chung tiah a thanh. Online in thawngthlah tu cu an pehzulh ko lai.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -