“Chin miphun a kan daw tu Senator Dean Smith le Dr Anna Sui Hluan , GCCF upa pawl he ton biaruahnak kan ngei kho,” tiah Renny Ceu L Mang nih a Facebook cahmai ah a ttial.
Senator Dean Smith nih, “tu zingka ah Perth khua i ka zungah Dr Anna Sui Hluan he kan i ton cu kaa lawm tuk,” tiah zahan ah a tial.
“Dr Anna cu dawtnak in ‘Second Lady’ of Myanmar ti zongin an auh i Myanmar Vice President Henry Van Thio a nupi asi.
“Myanmar ram democracy lamthluan kong, Chin state ka tlawnnak kong le Dr Anna nih Chin state le Myanmar rampumpi ah nu mino pawl thazaang pek rian a tuanmi kong hna cu thaw takin kan i ruah,” tiah a tial.
Global Chin Christian Federation Womens Conference cu Australia ram, Perth khua ah October 3 in 6 tiang sunglawi tak in an tuah.
Kawlram lei in Vice president Pu Henry Van Thio i a nupi Dr. Anna Sui Hluan le ram kip um Chinmi nu le pa nih an telpi hna.
Ṭial Tharmi
US Kawlram nu Su Hliang cu a ruak in an hmuh
Ethiopia PM Abiy Ahmed nih 2019 Nobel Peace Prize a ngah
Nilen Parmawi hla thar ‘Min Sung Bik’ a chuak cang
Hakha ah 4-star hotel pathum an sak lai
