19.2 C
Hakha
Thursday, November 26, 2020

COVID-19

Vawleipumpi
60,821,219
A zawmi
Updated on November 26, 2020 10:53 am
Vawleipumpi
1,428,913
A thimi
Updated on November 26, 2020 10:53 am
Vawleipumpi
41,657,480
A dammi
Updated on November 26, 2020 10:53 am

Donald Trump Jr COVID-19 Zawtnak a Ngei

Advertisement

US President Donald Trump a fa upabik Donald Trump Jr, kum 42 cu tu zarh thokka ahkhan COVID-19 zawtnak nih a phak ve caah atu hi ram a riahnak thlaam ah amah dang tein aa erh, tiah amah aiawh biachimtu nih a thanh.

“Atutiang ahcun COVID-19 zawt hmelchunhnak (khuh, hromfah, taklinh, thadih, tbk.) zeihmanh a ngei lo, cun COVID-19 zulhphung vialte a zulh peng,” ati.

Donald Trump Jr hi ramvaih a zuam taktakmi asi. US lawng si loin South Africa ram tiangah ramvaih ah a kal lengmangmi si. Ramvaih le sakah a duh tuk ning hi Laimi nakin a zual deuh.

Donald Trump Jr hi US President fale lakah COVID-19 in a zawmi 2nak asi. Kan hnu thla ahkhan Trump fahniang Barron Trump, kum 14 zong a rak zaw ve nain a dam colh.

Biachim a biatak ngaingaimi Donald Trump Jr cu apa mee pek sawmnak tuah lio ah biatak tein a rak cawlcangmi asi.

Donald Trump Jr hi President cuh a lungchuak pah tiin micheu nih an zumh, amah zong nih a al bal rih lo.

A nupi Kimberly Guilfoyle zong July thla ah COVID-19 in a rak zaw ve nain a dam cang. Mah lio cun amah cu a rak chawn lo. A nupi hi Fox News ah thawngpang chim rian a rak ṭuanmi si, tu cu ṭuan ti lo.

Nizaan zongah President Trump bawmtu Andrew Giuliani cu COVID-19 in a zaw ve.

Mr. Giuliani cu President Trump pumpak sihni Pu Rudy Giuliani fapa asi. An pafa in President Trump caah rian an ṭuan.

Giuliani te pafa – Trump caah rianṭuanmi an si

Nizaan (Ningani) ah Mr Giuliani nih, “Ningani zingka ah COVID-19 kaa test i zawtnak ka ngei ve. Atu hi zawt hmelchunhnak tlawmte ka ngei,” tiin Twitter ah a thanh.

CBS News nih, “atu hi White House ah COVID-19 zawtnak a karh ṭhan i acunglei langhter pafa telh in a tlawmbik White House rianṭuan 6 paoh an zaw cang,” tiah a thanh.

Tu thla thokka ah, White House rianṭuan vialte lutlai a simi Pu Mark Meadows zong COVID-19 in a rak zaw. White House rianṭuan dang zong an rak zaw.

President Trump zong October thla thokka ah COVID-19 in a zaw i Ralkap Sizung ah zaan 3 a rak riak. A thaisung Melania Trump zong a rak zaw ve.

Donald Trump Jr aa Chuahsual

Kan hnu thla ah Donald Trump Jr cu Fox News nih interview a tuah i COVID-19 zawtnak cu ṭihnung tuk lomi bantukin a rak chim caah soisel a rak tong ngaingai.

“Media pawl nih COVID-19 mizaw an karhmi lawng biapi in an thanh, mizaw chungin a thimi an tlawm tukmi hi biapi ah an chia lo,” tiin a rak chim.

“Si cun, ziah a thimi kong an chim ve kun lo? Oh oh, a thimi an um huaha lo khe cuta, ka ti len.

“Mah zawtnak hi atu cu kan control khawh cang i, a rianṭuan ning kan hngalh cang,” ati.

Nain, cutin bia a chim thla 1 hnu bakah amah a hung tlunh ve cu aa dawhcah lo ngai.

Atutiang ah COVID-19 in US rammi 11.8 million an zaw cang i ting 2 le cheu leng (253,000) an thi cang.

Nizaan ni 1 chung te lawng hmanh ah, US rammi ting 2 dengmang (192,000) COVID-19 in an zaw.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

COVID-19

Vawleipumpi
60,821,219
A zawmi
Updated on November 26, 2020 10:53 am
Vawleipumpi
1,428,913
A thimi
Updated on November 26, 2020 10:53 am
Vawleipumpi
41,657,480
A dammi
Updated on November 26, 2020 10:53 am
- Advertisement -