23.7 C
Hakha
Thursday, June 24, 2021
- Advertisement -

Ṭial Tharmi

David Lai nih tanghra sung/awngmi hna caah forhfialnak bia a chim

Awttha David Lai nih 2020 tanghra sungawn result he pehtlai in a rak tonmi kong le tanghra sung/awngmi siangngakchia hna sinah forfialnak bia a chim.

David Lai: A luancia 2011 atu bantuk caan ahhin kei zong tanghra camipuai sungh ruangah lungrawk le ngaihchia ngai in ka rak um bal ve.

Tu kum ram pumpi tanghra camipuai result zoh tikah a awngmi 30% hrawng a si. Chin state zongah tanghra awngmi an tlawmte.

Keimah cu Chin miphun pakhat ka si ruangah kan state tanghra result a tthat/chiat hi ka caah a biapi ngai tiin ka ruah.

Atu caan ah kan naule nih camipuai ka sung tiphun in khuaruah ning nan i palh ding kan duhpiak hna lo.

Nain, khatlei in kan zoh ahcun hmai kum tanghra camipuai phit tthannak dingah, sianginn kai tthannak dingah cheukhat kan naule ca ahcun chungkhar sifah/harsat ruangah biakhiahnak tuah aa harh ngaimi zong nan um ko lai.

Cheukhat cu pawngkam le chungkhar hneknak ruangah lungdongh in a lungrawkmi zong nan um ko lai.

Cubantuk caan ahcun aho hmanh nih nan intuarmi an in theihthiampiak hna lai lo. Keimah zong thapeknak biachim ka thiam lo.

Mah tein i zuam i cu dirhmun cu tei a hau. Lungtthawn a hau. Tanghra sungh/awn nih kan nunnak lai a rel lo.

Nain, tanghra awn ahcun fimcawnnak lei in kan zoh ahcun hmailei fimcawnnak lamthluan ah lam a ong. Rianttuannak lei ah kan zoh tthan ahcun rian thim awk zong a tam deuh.

Cu ruangah, kan naule pawl nih tanghra ka awn lo zongah a poi lo timi ruahnak ngeihter kan duh hna lo.

Fimcawnnak kongah atu abiapi tinak in hmailei ah a biapi deuhmi a ra kho. Myanmar ram cu atu kum 5 chungah tthancho lei a panh ding si.

Myanmar ram a kenkip in a tthancho tikah catang ngei cu an herh deuh hna lai pinah an duh deuh fawn hna lai. Catang sang le catang niam zong rian pek ciocio ah ttuanmi aa khat lai lo. Certificate ngei/lo zong rian pek tikah dirhmun an i khat lai lo.

Tanghra camipuai cu game bantuk ah ruat chun uh. Hi game celhnak ah teinak le sunghnak cu nangmah biakhiahmi cungah aa hngat. Na biakhiahmi hi zeitluk in dah a feh/tthawn, na biakhiahmi hi zeitluk in dah na tuah taktak khawh ti a biapi. Cubantuk a biakhiahmi fel tein a zulmi nih cun a theipar an zun ko lai.

Cucaah, a dikmi biakhiahnak tuah in cu biakhiahnak hnulei ah fek tein a kalmi nan si khawhnak hnga forhfial kan duh hna.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -