20.6 C
Hakha
Tuesday, June 22, 2021
- Advertisement -

Ṭial Tharmi

CSO Concert caah Sui Hlawn Rem le Bawi Thiang Bik an phan cang

Kuala Lumpur — Atu lio Chin gospel singer lakah alar bik si vemi ngaknu Sui Hlawn Rem le Bawi Thiang Bik cu CSO Concert ah hlasa dingin zahan ah Malaysia an phan cang.

CSO Concert cu thaizing zaanlei 6pm in 10pm tiang Kuala Lumpur um Lot 10 dot 8nak ah sunglawi taktak in an tuah lai.

Kawlram in a rami Sui Hlawn Rem le Bawi Thiang Bik lawng si loin US in awṭha emem Emily Ngunhlei Sung zong Malaysia a phan cang.

Malaysia in awṭha taktak Dawt Hlei Tlem zong hla a sa lai. CSO siangngakchia drama piah le CSO dirhtu pawl biatawi chimnak zong a um lai.

Ticket man RM30 te lawng asi. A caw rih lomi zong phan awk um lo, a hmun kutka hram ah cawk khawh ṭhiam asi. Cun, 6pm in an thok lai nain zaanriah eita kong phan awk um lo. A hmun ah Lai rawl thaw taktak an zuar chih lai.

Puchong um CSO sianginn a chung muru VIDEO zoh ve

RM30 in kan fale nunnak thleng usih

RM30 in ticket na cawkmi nih kan fale 130 leng fim an cawnnak ah a herhmi textbook, marker pen, inn hlan man, ti le mei man, tbk., tampi a bawmh hna lai.

CSO Concert cu Malaysia cozah sianginn a kai kho lomi Chin ralzaam ngakchia 130 leng fim an cawnnak Chin Student Organization (CSO) fund kawlnak caah tuahmi asi.

Kan fale 130 leng caah thilṭha tuah cu kan miphun ningpi caah thilṭha tuah asi tiin sawmmi awṭha pawl zong hlawh la lo zaanghleicawi tein Malaysia a phanmi an si.

CSO Chairman Saya Tawk Lian Sang nih, “atu bantukin hlawh hal lo tein hlasak kan sawm hna i miphun caah a awzai le a caan a pe khotu kan awṭha 4 cungah kan i lawm tuk hringhran,” tiah a chim.

Malaysia um mipi zong nih RM30 man ticket cawk in kan fale, hmailei ah kan miphun a serisiam tu ding an fim cawnnak bawm cio hna usih.

US ah college a kai liomi Lily nih CSO ah zarh 3 chung zaanghleicawi in ca a hung chimh hnu ah a hmuhning a chimmi VIDEO zoh ve

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -