Croatia Vuanci Zung Nih Lentecelhtu Pawl Tha An Pek Hna Ning Cu Uar An Um Taktak

Kan hnulei Croatia le England semi-final an chuih i Croatia nih teinak an hmuh cu an ram mipi lawng si loin Prime minister le an president tiang nih an lawmhpi hna. An mah pumpak hrimhrim zong certual ah bawlung chuih an zoh ve.

Croatia ram cu 1991 kum lawngin an mahte i uk khawhnak a ngeimi ram an si. An ram milu hi 4.28 million an si i England hi 55 million leng an si. An milu tah chunh ahcun tamtukin an i thlau.

Croatia captain Luka Modric zong an chuih dih ah bia an hal i a chim mi cu: England nih cun Quarter-final kan chuih ahkhan an nih cu an ba tuk cang i semi-cu an chei ti lai lo tiah an kan ti.

Asinain kan chuih taktak cu an kan tei hlei lo, chuih hlan in cun i neektuk awk a si lo. An tha a dih tuk cang an kan timi cu an palh cikcek ko. Semi-final te hna phanh cang hnu ahcun tha dih khawh a si ti lo, kan tha a tlung chinchin tiah puai dih hnu interview an tuahnak ah a chim.

Cun an ram presedent nu hrim nih a ttanpi tuk hna. An chuih dih hnu zongah pakhat cio in a kuh hna i thazaang a pek hna, a lawmhpi hna.

Cu lawng si loin an ram Prime minister le a vuanci vialte zong nih thapeknak ai ah tiin cabinet meeting an tuahnak ah an ram bawlung chuihnak angki an i hruk dih hna. Zeitluk in dah lente celhtu pawl an thazaang a tlun hnga.

President nu nih a kuh hna lio video:

Croatia cu an ram tuanbia ah Worldcup final an phanh a hmasabik a si. Kipzaan, July 15, 2018 11:00pm (Malaysia time) 9:30pm (Myanmar time) ah France he final a chuih ding an si.

Thaizaan hi Belgium le England suimilam 10:00pm (Malaysia time) ah pathumnak a cuh ding an si ve.

Chirhchan: India Today

Be the first to comment

Leave a Reply

Your email address will not be published.


*