CRC Coordinator hmunhma um ti lo, minung 4 an i din, mithar 2 lut

- Advertisement -

Chin Refugee Committee (CRC) coordinator hmunhma an hrawh cang, coordinator rian vialte cu chairman nih a kemh chih cang lai.

Coordinator hmunhma an hrawhnak aruang cu, “A hlan bantuk dirhmun kan si ti lo caah rianṭuantu ṭhumh an si,” tiah CRC nih a thanh. A hlan ahcun rianṭuantu 7 an si nain atu cu 5 lawng an si cang.

CRC cu Australia cozah nih liamcia kum 3 chung kha tangka a bawmh hna nain, khuacimui Australia ramlak meikang le COVID-19 pulrai ruangah ‘kan ram chung boruak zohkhenhnak caah tangka hman hau’ tiin bawmhnak a phih chung hna, tiah kan theih.

CRC cu Malaysia phan Chin miphun hna zohkhenhnak caah kum 2001 ah dirhmi, Malaysia ah dirh hmasa cemmi Chin ralzaam bu asi.

CRC rianṭuan aa dinmi 4 cu:

  1. Dawt Ceu Bik (2018 – 2021) – Coordinator
  2. Pu Ca Kung (2020 – 2021) – Chairman
  3. Thawng Ceu Bik (2016 – 2021) – Card sernak le
  4. Tin Kip Tial (2019 – 2021) – Thawngthanhak hna an si.

CRC rianṭuantu thar 2 cu:

  1. Andrew Bawi Mang – Chairman le
  2. Diana Tha Khun – Card sernak an si.

CRC rianṭuantu hlun 3:

  1. Tha Ceu Lian – Tanzung lei ṭuanvo latu
  2. Robert Thang – Secretary le
  3. Lian Kul Sang – Tlaihkhih le thongtla bawmtu cu anmah hmunhma ṭhing ah an ṭuan rih ko.

CRC rianṭuannak cu CRC phungphai ningin kum thar fatin EC nih meeting tuah le zohfel lengmang asi. EC cu CRC member pengtlang (Zophei, Mie, Paletwa, Senthang, Thantlang (TPF), Hakha (HPF), tbk) pengtlang upa pawl an si hna. EC nih hin CRC budget hoih in rianṭuantu ṭhumh/chap le rianṭuantu thar thim/lo bia a khiah dih.

CRC thawngthanh: Rianṭuantu Thlennawnnak le Lunglawmhnak

Malaysia um Chin miphun hawikom dawt hna nan umnak cio ah dam in nan um hna lai tiah zumhnak kan nei. Rai thalo (Covid) zawtnak le kan ram buaibainak ruangah lungrethei le thinphang in kan um cio hna. Thlacamnak tu in i bawm cio ko hna uhsih. 

CRC riantuantu thlennawnnak thawngthanh kan in duh hna. CRC EC le Pengtlang aiawh thlahmi upa hna hnatlaknak bantukin CRC riantuantu thimnak le thlennawnak cu March 27, 2021 ah tuah asi. Cun a hlan bantuk dirhmun kan si lo caah riantuantu zong thumh asi. Cucaah May thla thok cun CRC riantuantu minung 5 lawng kan si cang lai. A hlan cu riantuantu minung 7 kan rak si. 

Cucaah riantuantu aa thlengnawngmi tete a um caah mipi sinah theihter kan in duh hna. Cun a kan dinh taakmi tuan hawi  cung ah le a lut tharmi sinah lunglawmhnak langhter zong kan duh. 

CRC riantuantu sinak in aa dinmi hna: 

1. Dawt Ceu Bik (2018 – 2021) – Coordinator

2. Pu Ca Kung (2020 – 2021) – Chairman

3. Thawng Ceu Bik (2016 – 2021) – Registration

4. Tin Kip Tial (2019 – 2021) – Information 

CRC riantuantu thar hna:

1. Andrew Bawi Mang – Chairman

2. Diana Tha Khun – Registration

A kan dinh taakmi tuanti hawi an dihlak cung ah lunglawmhnak chim cawk lo kan nei. An tuan chung ah mipi caah le CRC caah thathnemnak le hlawhtlinnak tampi an tuah. Hmailei an riantuannak ah Bawipa nih umpi ko hna seh. An dihlak CRC nih upatnak kan pek hna. Cun a lut tharmi hawikom hna zong lunglawm tein kan don hna. Chin mipi caah bochanmi le dawtnak le lungsau thinfualnak he a tuan khomi si hram hna seh. 

CRC cu Malaysia ah Chin miphun ralzaam hna bawmchantu ding le tawlreltu ding ah dirhmi asi bantukin mipi zong nih CRC riantuannak a tlamtlin khawhnak ding ah thazaang rak chuah cio hram rih uh ti zong sawm kan duh hna. 

Malaysia ah CRC a dirnak le riantuannak kum 20 kan tling cang. Hi chung ah CRC riantuannak ah pumpak in siseh, khua le pengtlang in siseh, Khrihfa bu le Fellowship in siseh a kan bawmchantu nan dihlak cung ah lunglawmhnak chim cawk lo kan nei. CRC nih mipi caah pehthliahmah tein rian a tuan khawhnak cu mipi thawng in asi. Hmai lei zong thazaang rak chuah rih ding in kan sawm hna. Nangmah pumpak nih CRC bawmhnak na herh lo hmanh ah na miphun hawi dang bawmhchanh haumi tampi an rak um ti kha rak philh hrimhrim hlah. Thazaang chuahtu i zuam chinchin hna uhsih. 

Lawmhnak le upatnak he,

CRC Malaysia

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...