Malaysia Ngandamnak Vuanci Zung director-general Dr. Abdullah (hmanthlak) nih, “COVID-19 raikhamsi voi 2 tling tein chunh cangmi Ngandamnak Rianṭuan 245,932 chungah 3,106 cu COVID-19 in an zaw,” tiah a chim.

“Sinain, raikhamsi tling tein aa chun cangmi an si caah a thimi an um lo pinah sizung ICU ah thlop hau tiangin fakpi in a zawmi pakhat hmanh an um lo.

“Voi 2 tling tein aa chun cangmi minung ting 2 le cheu dengmang chungah thong 3 fai (1.26%) lawng zawt cu tuak ko uh, raikhamsi i chunh zei tluk in dah a ṭhat.

“Mah hmanh hi February 24 in July 14 tiang, thla 5 chung cazin bak asi.

“Hmasa ah, raikhamsi tling tein aa chun cangmi ngandamnak rianṭuan thong 3 fai COVID-19 in an zaw ka ti i mi tampi nan lungrawk tuk.

“Nan theih dingmi cu, raikhamsi nai chunh zongah COVID-19 in na zaw kho ko nain aa chun lomi tluk fakin na zaw lai lo.

“Raikhamsi hi zum ko uh. Cazin nih fiang tukin a piah ko hih. Kan dihlak tling tein raikhamsi kan i chunh hnu ahcun COVID-19 lakah duh poah in kan tlongleng kho lai,” ati.