15.6 C
Hakha
Sunday, June 20, 2021
- Advertisement -

Ṭial Tharmi

Covid-19 ngeimi Myanmar pa ruangah Malaysia palek 60 quarantine an si

Malaysia: Johor khua i Segamat District Police Headquarters ah rian a ttuanmi palek 60 cu Covid-19 zawtnak ngeimi Myanmar pa ruang ah anmah inn cio ah quarantine an si tiah Johor palek bawi Datuk Ayob Khan Mydin Pitchay nih a chim.

Johor palek bawi Datuk Ayob Khan Mydin Pitchay nih, “Myanmar pa cu Bangladesh pa thahnak kong ah lunghrinh in tlaihmi a si i Covid-19 a ngeih caah a tlaitu le pawngkam um palek le palek bawi 60 cu kan hnu zarh Nikhatni inkhan an inn cio ah an i khumherh.

“Kum 29 Myanmar pa cu palek sakhan chung an hren lio ah Ngandamnak Vuanci Zung fial bangin Covid-19 ngeih/lo an test i a ngei.

“Myanmar pa Covid-19 a ngeih kan theih sinte in Covid-19 zulhphung ning bang kan cawlcang colh.

“November 4 ahkhan Segamat ah ramdangmi 8 cu Bangladesh pa an thah tiin lunghrinh in palek nih an tlaih hna. Indonesia 7 le Myanmar pa an si.

“Myanmar pa Covid-19 a ngeih ruangah a tlaitu palek vialte Covid-19 test an si.

“Covid-19 a ngei lomi palek cu rian an ttuan tthan ko lai i Covid-19 a ngeimi palek cu quarantine centre ah an i thlop lai,” tiah a chimchap.

Atu hi Myanmar pa cu Kluang sizung ah Covid-19 an thlop lio a si.

Amah he khan khat ah thongthlak ttimi thongtla 14 cu Covid-19 an ngei lo.

Ramdangmi rianttuan group 2 an i vel i Bangladesh pa pakhat nam in an sawh caah Indonesia 7 le Myanmar 1 lunghrinh in palek nih an tlaih hna hi a si.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -