17.2 C
Hakha
Monday, July 26, 2021
- Advertisement -

Ṭial Tharmi

COVID-19 kongah Victoria ramkulh cozah thawngthanh

COVID-19 (Coronavirus) zawtnak pulrai kong he pehtlai in June thla chungah khan Victoria Ramkulh cozah nih phihkhamnak a tuahmi din/dorh deuh dingin timhnak zong a rak ngei cang nain kan hnu zarh chungah tam ngai in zawtnak a puan than caah a timhtuahmi leet than in a tanglei bantukin phihkhamnak le zulhphung cu a chuah than i zapi caah forhfialnak zong an tuah than.

Zahan thawk in khan Ngandamnak lei lutlai (Chief Health Officer) ruahnak peknak in zawtnak a karhnak le chawnhnak a tamnak sang 10 –Keilor Downs, Broadmeadows, Maidstone, Albanvale, Sunshine West, Hallam, Brunswick West, Fawkner, Reservoir le Pakenham chung ummi hna cu zawtnak hmelchunh ngeih zong, ngeih lo zong ah COVID-19 zawtnak TEST (checknak) tuah hna seh tiah Victoria Ramkulh Uktu Daniel Andrews nih forhfialnak a tuah.

Hi sang 10 chung ahhin ni 1 ah minung 10,000 hi test kho hna u sih tiah timhnak kan ngei; a bik in Keilor Downs le Broadmeadows sang 2 ah a ummi minung harcheu hi cu ni 3 chungah test dih hna u sih ti kan duh tiah Daniel Andrews nih a chim.

Cun, “ngandamnak lei riantuantu 800 leng nih Van (mawtaw) he zapi an i test khawh nakhnga lamcung ah asiloah inn ah zawtnak ngeih le ngeih lo checknak an tuah te lai. Cu lengah mi zapi nih hi zawtnak kong he pehtlai in thawng dik an theih cio nakhnga inn kip ah innka kingh in thawng petu ding riantuan 1,000 zong thlah an si lai”, tiah Daniel Andrews nih a chim fawn.

Cozah lei forhfialnak:

  • 1. A cunglei sang 10 chung ummi na si ahcun cozah phunglam sermi pawl kha zulh ding.
  • 2. Zawtnak hmelchunh na ngeih ahcun i TEST. Hawileng/chungkhat sin na umkal ahcun i nai tuk in um hlah.
  • 3. Na dam lo ahcun i TEST, cun inn ah um ko. Na chungkhar ah pakhatkhat an zawt ahcun TEST tuahter hna, cun lengah chuahter hna hlah.
  • 4. Naa TEST hnu zongah Result (aphi) na theih hlan poah cu midang he um hlah.
  • 5. Hawileng ngeih zong ah minung 5 tiang lawng ngeih ding (A si khawh ahcun ngeih lem lo ding)

Nihin Victoria Chung COVID-19 Thawngpang le Test Khawhnak Hmun Pawl

Nihin ah Victoria Ramkulh chungah a thar in COVID-19 zawtnak hmuhmi hi 30 a si i atu lioah an dihlak in zawtnak a ngeimi 183 an si. Cun, nihin tiang Victoria chungah a thimi 20 an si i zawtnak ngeih le ngeih lo TEST cangmi hna hi 736,735 an si cang. A tam khawh chungin ahopoah dam zong ah, dam lo zong ah i TEST cio ding hi cozah lei in forhfialnak an tuah.

Coronavirus kong he pehtlai in 1800 675 398 ah 24/7 ruahnak hal le pehtlaihnak tuah khawh a si. Appointment lak ding a herhnak hmun zong a um, appointment lak lo in mawtaw cungah (Drive-Through) in i TEST khawh zong a si. Broadmeadows Central, Highpoint Shopping Centre, Keilor Community Hub, West Footscray Bunnings, Deer Park – IPC Health, Sunshine Hospital le adang hmun cheukhat zong ah i TEST khawh a si.

Tling/fiang deuh in rel chap duh ahcun a tanglei link pawl ah rel chap khawh an si.

Cattialtu: Robert Ngun Sang Mangpa

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -