17.2 C
Hakha
Monday, July 26, 2021
- Advertisement -

Ṭial Tharmi

Covid-19 Kakuaisii cu China Ralkap nih an Hman Cang Lai

China ralkap le CanSino Biologics company i bawm in sermi Covid-19 kakuaisii cu China ralkap caah hman dingin fehter asi cang, tiah company nih nizaan ah thawng a thanh.

China ram Wuhan khuapi in aa thokmi Covid-19 rungrul nih vawlei pumpi ah minung ting 5 leng a thah cang hna i minung ting 100 (10 million) leng an zaw cang.

Tuksapur pulrai thlopnak le khamnak sii ser cu vawlei cung ramkip le company kip an i zuam cio hna.

Vawlei Ngandamnak Bu (WHO) nih a theihpi mi minung sinah hneksak liomi Covid-19 kakuaisii 17 an um, China sermi zong an i tel ve.

CanSino Biologics company nih “kakuaisii kan sermi cu China ralkap sinah khoh 2 tiang kan hneksak i a him ngaingai, ṭihnung asi lo,” tiah a chim.

“Kakuaisii kan sermi cu China ralkap caah kum 1 chung hman dingin China Ralkap Zung nih June 25 ah a fehter cang,” ati.

Kakuaisii cu CanSino Biologics company le China ralkap sii hlathlainak zung Beijing Institute of Biotechnology i bawm in sermi asi.

China ralkap cu tam chiahru hna kaw kakuaisii cu ralkap zei zat dah an chunh hna lai ti hngalh asi lo. China ralkap cu AFP media nih bia a hal nain a let duh lo.

“Kan kakuasii cu mi zapi hman dingin kan zuar te lai maw ti bal bia kan khiak kho rih lo,” tiah CanSino Biologics nih ati.

WHO nih “minung sinah hneksak rih lomi Covid-19 kakuaisii 131 an um rih,” ati.

Nihin tiangah, Covid-19 kakuaisii pakhat tak hmanh zapi hman dingin fehtermi a um rih lo.

Sii kong a ṭialmi tadinca The Lancet nih, “sii company tampi nih minung sinah Ccovid-19 kakuaisii 1,000 leng an hneksak cang nain pakhat hmanh rinhtlak taktak an si rih lo,” ati. — AFP

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -