16.3 C
Hakha
Thursday, June 17, 2021
- Advertisement -

Ṭial Tharmi

Covid-19 in Nuva an Thi, an Fale 5 an Kaltak Hna

US ram, Los Angeles khua ah ni 1 dan in nuva an thi i an fale 5 an ngakṭah hna. An fale cu kum 2 in 17 kar an si.

Kum 60 pa Pu Humberto Ruelas-Rivas cu Zarhpini (June 7) ah a thi. A nupi Pi Karina Bonila, kum 38 cu Nikhatni (June 8) ah a thi.

Pu Riva nih nu dang sinah a ngeihmi a fanu Maria Ruelas, kum 35 nih, “ka naule 5 cu keimah nih ka zohkhenh hna lai,” tiah a chim.

“Thluak thahri cah (stroke) zawtnak a ngeimi kum 30 ka nau nu zong Covid-19 zawtnak in sizung ah a um lio si.”

“Ni 6 chungah ka pa ka sung. Suimilaam 8 chungah, ka nuei ka sung. I atu ah zohkhenh ding ngakchia 5 ka ngei,” tiah Ruelas nih thil sining a chim.

Ruelas cu a tlangvalpa he i um dingin engagement a tuah cangmi si.

“Ka naule 5 cu phungning tein ka zohkhenh hna lai i a herhmi biaceihzung sachoh zong ka lak lai.”

“Ka pa philh lonak caah lunglawm tein ka cawm ko hna lai,” tiah Ruelas nih a chim.

Ruelas a nuei Bonilla hi Covid-19 zawtnak a ngei hmasa. Thingthei zuar rian a ṭuanmi si. A rianṭuannak in zawtnak aa ku si men lai tiah an zumh.

Covid-19 zawtnak letkhana a ngeih ka ah amah dang tein a um colh lo. Letkhana a ngeih ni tlawmpal hnu ah a vapa zong a ngei ve.

Ruelas cu a pa a thih lai ah a hmurka zong a tong manh lo.

“Ka pa le ka nuei cu an thi cang nain, an pum chungah virus um rih caah an ruak tongh a ngah lo. Midang nih hi bantuk tong ve hna hlah seh ti ka duh. Lung a kuai tuk hringhran,” tiah Ruelas nih a chim.

Ruelas a pa le nuei ruak vuinak le sizung man liamnak caah Ruelas a chungkhar nih Gofundme ah $70,000 bawmhhalnak an tuah i mah ca kan tial lio tiangah $68,000 leng an ngah cang.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -