CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi lei kal an phih hna.

CNF headquarters Victoria Sakhan pawngum Vanzang, Farrawn, Lungding, Tlangpi, Tlanglo le Sopum khua 6 cu Thantlang khuapi kal an phih hna.

Mah khua 6 cu zawtfah ruangah Thantlang sizung ah piah aa thawhmi zong ralhrang ralkap nih Sopum khua in an kirter dih hna, tiah himnak caah min langhter duh lomi Tlangpi khuami pakhat nih a chim.

“Khuapi lei kal a kan sian lo. Nizaan ah saikal in Thantlang lei a kalmi zong an kirter hna. Ralkap nih Sopum khua ah mi checknak gate an tuah.

“Nizaan ah Tlanglo khua mizaw pawl zong, Tlangpi in Hakha lei kal aa thawhmi zong Sopum khua an phak ah ralkap nih an kirter hna. Sopum khua in Thantlang khuapi cu meng 12 lawng a hla, kan khua in Sopum hi meng 12 fai hrawng a hla ve.

“Tirawl hi Thantlang le Hakha ah kan cawk tawn. Atu bantukin ralkap nih lam an phih peng ahcun rawl ei awk kan har te kho men.

“Kan khua lu ah CNF sakhan a um. Mah ruangah ralkap nih atu bantukin khuapi luhnak lam an phih hi si,” ati.

Hmasa zongah CNF sakhan pawng um khuate 6 cu ralkap nih zaan lengchuah an khap (curfew) cang hna.

Atu cun chun zongah khuapi lei kal an phih hna. Chun he zaan he lengchuah an phih hna caah khuapi lei ah rawl cawk khawh asi lo, tiah khuami nih an chim.

Thantlang khua zong hi mipi nih ralkap duhlonak an langhter pengnak asi ve. Atu zong minung um loin ralkap duhlonak an langhter peng. — RFA

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...