15.1 C
Hakha
Monday, June 21, 2021
- Advertisement -

Ṭial Tharmi

CNF-RC Concert cu ‘buai lo’ tein an lim, upa pawl upat an um ko

Malaysia Chinmi cu concert le puai tuah paoh ah buai pah lengmang asi caah ‘tutan concert zong nan buai hoi ko lai cuh’ tiah a hlankan in Facebook ah a kan ti len.

Nain, a dongh tiang buainak zeihmanh um lo tein le nuam taktak in, thlacamnak he an lim khawh caah puai chung vialte lungrethei mithmai a kengmi CNF Regional Committee upa pawl mithmai ah lawmhnak thlam a leng.

Zuuri an tam ngai nain, CNF-RC upa pawl nih stage cungin ttha tein an chimh hna i puai tuahnak inn chungah buainak an chuahpi lo. Zuu an ri nain nawl an ngaih caah upat an um ngai hna.

Buainak chuahpi lo tein hnulei an thutnak in kan awṭha pawl an zulh hna i nuam taktak in an laam hna. Hmailei ah pangpar pek pah in a laammi zong an um pah len nain buainak an chuahpi hraw lo.

Puai tuahtu CNF-RC upa pawl an i zuamnak theipar ttha a tlai, ti khawh asi.

Tuni cu a nuam chiahru

New Zealand in a rami ngaknu Van Hlei Sung nih “Tahniang Misual an in ti zongah kan dawt tthiam tthiam ko…” timi a vun sak ciammaam cu tlangval lawng si loin upa tiang hohmanh an tthu sawhsawh kho lo.

Tlangval pawl cu pangpar pek ah a runrun in hmailei an chuak thluahmah hna. Sungsung kut ah pangpar aa tlum lo, ttuanvo ngeitu nih atu le tu an lakpiak. Upa deuh pawl nih an tthutnak hmun in lileng taktak in an zulh cio. Van Hlei Sung maw si Zuun Hla Sung hen ti awk in a um ko. Inn chung minung thinlung a cawi dih cikcek.

Kawlram in a rami Lal Din Thari nih naite ah aa chuahmi a hla “​ေမာင္​အဆင္​​ေျပရဲ႕လား ” a sak ve ciammaam cu mipi an i nuamh tuk ning hi vawlei cung nun zong a lolo. Zaanmang hlah maw asi ti awk in an i nuam. An mithmai zoh ah vawlei a philhmi an tampi ti a lang. Tlangval cheukhat cu tuzaan zong Lal Din Thari an i manhphan men lai.

Kawlram in a rami Ce Ce nih “Cherry Myo” timi hla hung sa ciammaam kaw, mipi ahlei in hnulei deuh pawl an baanzo le an i thui tthat ning hi lung a leng taktak. Kum 10 leng chung semnak Lairam hmuh ti lo hnu ah mah hla a sak cu mipi thinlung a suk tuk. Mi tampi nih ro caah an phone in video an thlak len.

Yangon in a rami Fred. Lal Hlim Puia nih a hla a sak ve ciammaam cu nungak pawl pangpar petu an tam ning hi khuaruahhar asi. Cheukhat cu pangpar pek pah in mit a tthehmi zong an um. Malaysia Chin nungak vialte nih Fred an crush dih rua ti awk khin… Awtthat si muidawh si aho ngaknu thinlung nih dah a tuar khawh khe hnga…

Tlangval he a khuah tein a rami ngaknu pawl zong, Fred an hmuh cun an au tthat ning hmanh. An rat pimi tlangval cu an philh diam ko hna.

Tuni puai cu Malaysia Chin concert lakah puai nuambik asi ve, ti ahcun kan palh lai lo. Upa, tlangval, nungak, kan dihlak kan i nuam lawlaw hna.

Tuni bantukin Chin puai ah buainak um ti hlah sehlaw zeitluk in dah a nuamh peng hnga. Puai dih hnu ah thinlung dam tein inn ttin cu rawl hrawnnak hmun in paw khim tein ttin bantuk asi. Lung a hmui kho tuk.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -