CNF ralkap Salai Aung Lin Tun a nunnak liam

- Advertisement -

Nizaan ah Hakha sizung in chuahmi CNA/F ralkap Salai Aung Lin Tun cu pawpi cancer in a nunnak liam.

Salai Aung Lin Tun, kum 26 cu CNA ah Senhnih (Corporal) a si.

Amah cu Paletwa peng, Samee khuami a si i Hakha sizung ah aa thlopnak thla 1 leng si cang. Tu zing deihlan sml 5:00am ah a nunnak liam.

Salai Aung Lin Tun cu 2014 ahkhan ram le miphun caah CNF/A ah a lutmi a si. Pawpi dam lo ruangah voi 2 tiang Hakha sizung ah operation aa tuah i a dam hlei lo caah tu zingka ah Pathian sinah a kan dinh tak.

Nizaan ahkhan Hakha sizung ah ralkap le palek nih an luhhnawh hna i CDM ah nan luh ahcun sizung in chuak dih uh an ti hna.

Hakha sizung rianttuan pawl nih CDM ah kan lut dih lai an ti ruangah sizung cu an chuah tak dih. A chung ummi mizaw 30 leng zong an i chuahpi chih i a leng sikhan ah an thlop hna.

Salai Aung Tun Lin ruak cu CCPR Zung, Chin Oo Si Sang, Cimnuai Biakinn hnulei ah an suai i No.1 thlan ah an vui. – Chin World

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...