Wednesday, December 1, 2021

CNF ralkap Salai Aung Lin Tun a nunnak liam

Nizaan ah Hakha sizung in chuahmi CNA/F ralkap Salai Aung Lin Tun cu pawpi cancer in a nunnak liam.

Salai Aung Lin Tun, kum 26 cu CNA ah Senhnih (Corporal) a si.

Amah cu Paletwa peng, Samee khuami a si i Hakha sizung ah aa thlopnak thla 1 leng si cang. Tu zing deihlan sml 5:00am ah a nunnak liam.

Salai Aung Lin Tun cu 2014 ahkhan ram le miphun caah CNF/A ah a lutmi a si. Pawpi dam lo ruangah voi 2 tiang Hakha sizung ah operation aa tuah i a dam hlei lo caah tu zingka ah Pathian sinah a kan dinh tak.

Nizaan ahkhan Hakha sizung ah ralkap le palek nih an luhhnawh hna i CDM ah nan luh ahcun sizung in chuak dih uh an ti hna.

Hakha sizung rianttuan pawl nih CDM ah kan lut dih lai an ti ruangah sizung cu an chuah tak dih. A chung ummi mizaw 30 leng zong an i chuahpi chih i a leng sikhan ah an thlop hna.

Salai Aung Tun Lin ruak cu CCPR Zung, Chin Oo Si Sang, Cimnuai Biakinn hnulei ah an suai i No.1 thlan ah an vui. – Chin World

- Advertisement -