CNF Le kan Chin Miphun caah Lunglawmhnak Tuanbia Thar

CNF General Secretary Pu Thla Hei le Camp Victoria Development Project (CVDP) Director Pu Matt Nguntling cu ni (15) rau in kan Chin miphun umnak USA ram khuapi (9) ah Fundraising an va tuah nakin zahan ah Indianapolis khua an rak phan tthan.

Nihin chun CVDP Nunkeng Pu Vanceuuk Khenglawt, keimah le anmah pa hnih tiin lunglawmhnak chuncaw kan ei tti hnu ah zeizat setdah hmuh cawlh ding aa fiang cang timi kan tuah.

Hi Camp Victoria Development Project caah hmuh colh ding aa fiang cang mihi $232,000 a si i, zeizat setdah kan in bawmh hna lai ti mi kan i ruat taa rih lai a timi pawl chap mi he cun $250,000 hi cu a tlawmbik a chuak lai tiah ruahchannak ngeih a si.

US$250,000 hi cu miphun dang caah cun a tam lai lo nain, kan mah chin miphun caah cun mah zah zah tangka zarh 2 chung ah kan hmuh khawh, bawmhnak kan pek khawh hi cu a um bal rih lomi lunglawmhnak tuanbiathar tak tak a si.

A pe tu pakhat cio lungthin chung ah dawtnak thlarau aa phuang i, Pu Thla Hei le Pu Matt Nguntling hmurka pathian nih kan miphun caah a hman.

Vawlei cung tuanbia zoh tik ah miphun tthawng kan ti mi hna hi minung an tam ah a rak si lo. An lung aa rual maw/lo ti mi ruang tu ah a rak si. A lung aa rual lo mi cu zeizat an tam zong ah miphun tthawng ah an i chuah thai tak tak bal lo.

Teinak a hmu tu miphun rak ti mi pauh pauh hi a lung aa rual mi an rak si. Tutan CNF caah phaisa bawmhnak kan pek minih hin a langh ter mi cu Chin miphun a ngai ngai ni a chuah tik, a biapi mi thil kan tawn tik ah cun kan lung aa rual ti hi a si ko. Lungrualnak tak tak ti mi cu hi bantuk thil biapi mi ah kan thazang a um mi dihlak in kan chuah tti hi a si. Hi kan lungrualnak hi Chin miphun vialte caah lawmhnak thawngttha a si i, CNF caah thazang thar a si.

Hi Chin miphun hawi vialte lungrual tein thazang vun chuah ttinak ah aa tel rih lo mi hawi le vial te rak kan tel pi ve uh tiah bochannak he kan in sawm hna. Miphun zawnruahnak le Chinram dawtnak he a petu kan hawi le pakhat cio nan cung ah kan i lawm i, kan biak kan pathian nih a let tampi in thlachuaah in pe chin ko hna seh.

Cattialtu: Daniel Sakhong

Hniang Zi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.

Na Rel Cang Maw?

Ṭial Tharmi

Myanmar nih hmai zarh in Rohingya ralzaam a lak hna lai

Rakhine state in Bangladesh ah a zaammi Rohingya pawl cu hmai zarh ah Myanmar le Bangladesh cozah nih Myanmar ram ah kirter...
- Advertisement -