CNF le CDF nih Chuncung khua pawngah Kawl Ralkap 4 an thah hna

- Advertisement -

Kawl Ralkap pawl tank 2 le motor 40 hrawng in Hakha an luh ni October 20 ahkhan CNF le CDF nih Chuncung khua pawngah an kah hna i 4 an thah hna, adang tampi an hliam hna.

CNF biachimtu Salai Htet Ni nih, “October 20 ah Kawl Ralkap tampi cu motor 40 hrawngin Hakha an lut.

“Atu kan kahmi hna hi cu an hnu in a zultu ralkap phu an si. Ralkap 40 hrawng an si. Kan bawh hna i kan kah hna,” tiah nizaan ah Mizzima ah a chim.

October 20 ah Hakha a lutmi Kawl Ralkap pawl lakah nu le ngakchia tam nawn an i tel. Kawl Ralkap nih an tlaih hna i ralsa-tarh caak an hmanmi hna an si men lai, tiah Salai Htet Ni nih a zumh.

Mah kahdohnak ah CNF ralkap senhnih Aung Lin Tin nih a dawtmi Chin miphun le ram caah a nunnak a pek.

Kawl Ralkap pawl cu Falam in Hakha lei an rat lio ah lamkam um khuate pawl; Rialti, Lungpi, Thlanrawn, Taal, Tlangzar, Dokthek, Ramthlo, Chuncung, tbk ah inn tampi an khangh, baoh i thil an fir hrawh piak dih hna.

Hakha a phanmi ralkap pawl cu Thantlang lei lan kho hna hlah seh tiin nizaan ah CNF le CDF nih Timit Hlei le Tita Hlei an hrawh.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...