“Kan ralkap senthum Van Ceu Cung nih a dawtmi Chin miphun le ram caah a biakam bantukin February 4 ah ralram ah a nunnak pek,” tiah CNF nih tuni ah thawngthanh.

February 4 ahkhan Thantlang khua chungah CNF/A ralkap le ralhrang Myanmar ralkap an i kah lio ah a nunnak liam hi si, tiah The Chin Express nih kan theih.

CNF nih, “Van Ceu Cung aa pumpekmi cungah CNF/A nih upatnak kan pek. Tantakmi chungkhar nan ngaihchiatnak kan in tuarpi hna,” ati.

Chin miphun le ram ralkap uknak ṭha lo chungin luatnak kan hmuh i federal democracy ram kan dirh khawhnak dingah ka nunnak pek tiangin ka ṭuan lai tiah bia aa kammi a tlinhtu CNA ralkap senthum Van Ceu Cung, kum 21 cu Thantlang peng, Thau khuami asi.