Ralkap lei in Duh-Tainghmu (Deputy Commander) hruai mi hna le CNF/A upa hna March 10 ah an i tong lai, tiah kan theih.
“Atu hi anmah Ralkap cu an ra lio. Camp ahcun a si lai lo. Khoika kan i ton lai a fiang rih lo. I ton ding hi Hakha ah an rak ti nain anmah tu an rak ra.
“Zeibantuk kan ceih lai i anmah Ralkap lei nih zei an chim lai cu kan hngal lo.
“Asinain kanmah lei nih cun, dai tein CDM a tuah mi hnahnawh lo ding, sakhaan ah hren mi a rannak in chuah ding. Tlaihkhih le hrem tibantuk tuah lo ding in kan chimh hna lai,” tiah CNF Chimphuannak Nawlngeitu Pu Htet Ni nih a chim.
Atu hi Ralkap cu an kal lio a si i zeitik ah, khoika ah an i ton lai ti belte a fiang rih lo. – The Hakha Times
