Malaysia um ngaknu Diana Jathang nih nizaan tihni a birthday ah laksawng a hmuhmi chungin RM1,000 (Kawlram ting 4) cu Chin Miphun Ralkap (CNA/F) caah a hlut hna.
Diana Jathang cu Malaysia ah tuahmi Miss zuamnak ah aa zuam ve i teinak zong a co pah lengmang.
Amah cu India ram, Mizoram state i Siaha khua ah a chuakmi si nain apa cu Hakha asi i anu cu Thantlang peng, Banawhtlang khuami asi — mah hi hmet law a konglam tling deuh in rel khawh asi.
“CNF/A caah asi khawh tawkin a hlutu Mai Diana Jathang cungah CNFRC Malaysia nih lunglawmhnak chim cawklo kan ngei. Bawipa nih ngandamnak le hlawhtlinnak pe chin lengmang ko seh,” tiah CNFRC Malaysia nih lunglawmhnak bia a chim.
CNFRC Malaysia (Chin National Front Regional Committee Malaysia) cu Kawlram um CNF/A ralkap hna caah Malaysia Chinmi sinah bawm halpiak phu asi.
CNFRC Malaysia upa pawl zong hi ram le miphun an dawt caah zaanghleicawi tein CNA ralkap caah bawmhnak an halpiak peng hna.
