16.3 C
Hakha
Sunday, August 1, 2021
- Advertisement -

Ṭial Tharmi

Cikha ah India in a tlung ding minung 100 leng quarantine nak an timhtuah

India ram, Mizoram state ah a kal i aa tapmi Kawlrammi 100 leng cu an rak kir tikah Chin state, Cikha khua ah hmun dang te chiah (quarantine) nak hmun timhtuah piak an si,” tiah Cikha penguk bawi U Nay Zaw Aung nih a chim.

Mizoram ah aa tapmi Kawlrammi pawl cu harnak an tong i kap 2 cozah hnatlaknak in lak an timh hna lio a si.

“Khika lei a phanmi nih an kan pehtlaih. Phungning loin a kalmi an si tikah hika lei cozah nih a kan cohlan ahcun khika lei cozah nih cun kan in thlah ko hna lai an kan ti ee an ti.

“Anmah nawl in cun an kir ngam lo. Tamu lei in a lutmi minung 6 cu sizung ah an um i tazacuai an timh hna ti thawngpang an theih hnu cun an thinpang,” tiah Sagaing ramtthen chungah MP pakhat si vemi U Tun Tun Win nih a chim.

“India ram, Mizoram state cu Kawlram he aa rimi a si i kan lak hna lai ti ahcun cozah lutlai he i ceih hnu ah lak ding a si caah Sagaing ramtthen cozah sinah ca kan kuat,” tiah U Tun Tun Win nih a chim.

India ram ah aa tapmi Kawlrammi cheukhat cu Falam district, Cikha peng lei in luh dawh an si caah Cikha khua i ihkhun 16 um sizung le sport hall ah quarantine nak hmun timhtuah piak an si.

Kir dingin cazin a pemi hi minung 100 leng an si i, a kir dingmi pawl cu Cikha khua le pawngkam khua ah a ummi an si hna.

“A bubu in an rak kir ahcun dinei lei kongah harnak kan tong kho. PPE thil hi thla 1 ca a za kan ngei. Cikha sizung cu ihkhun 16 lawng a um. Timhtuahnak kan ngei ti tikah a tlungmi dihlak siloin pawngkam khua ah a kirmi pawl chiahnak caah kan timi si,” tiah Cikha sibawi Than Sang nih a chim.

May thla chung ahkhan India in Cikha khua lei ah a lutmi minung 20 an um. An dihlak in Covid-19 zawtnak an ngei lo, tiah U Nay Zaw Aung nih a chim.

Cikha khua le pawngkam khua ah a um i India ram ah aa tapmi hi minung 200 leng an um ti a si. – BBC Burmese

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -