Kawlram ser tthannak ding le tthanchonnak ding caah bawmchantu a si lai tiah ruahchanmi Myanmar Scholars and Leaders Program (MSLP) Scholarship cu Burmese American Community Institute (BACI) le Rectors’ Committee nih soknak form an chuah cang.
“Ram pakhat serhthannak ding caah a tthabikmi kan hrianam cu fimthiamnak (education) a si. Phunghram (constitution) ser tthan a herh bantuk in hmailei ah a kan hruai kho hnga dingmi mifim, mithiam tampi Kawlram nih kan herh. Chinmi zong tampi i tel kho hna seh ti kan duh” tiah BACI Executive Director Salai Elaisa Vahnie nih a chim.
Myanmar ramchung a ummi Universities le Colleges 164 nih an dirhmi Rectors’ Committee ah Chairman a tuan liomi Dr. Zaw Wai Soe zong nih Myanmar ram tthanchonak ding caah abiapi bikmi pakhat cu minung tthanchonnak (human resource development) a si a ti ve.
MSLP Scholarship application cu mipi nih sawk khawh a si cang. Hika link ah hin a um lai: https://thebaci.org/mslp/
MSLP Scholarship cu USA University pawl ah a thabikmi tiah ruahmi pawl he tuan ti a si i, Indiana University Bloomington, University of California Berkeley (UCB), University of Notre Dame, Purdue University, University of Chicago, University of Michigan An Abor, Columbia University, tbt hna an i tel.
