21.9 C
Hakha
Sunday, August 1, 2021
- Advertisement -

Ṭial Tharmi

Chinmi nih bochanmi Dr. Kipgen nih tuni ah COVID-19 in a kan liamtak

Dr. Nehginpau Kipgen nih nih tu zingka ah Delhi ah COVID-19 zawtnak in a kan liamtak.

Dr. Kipgen cu Kawlram chuak Kuki (Chin) miphun asi. Delhi khuappi um Jindal School of International Affairs, Center for Southeast Asian Studies ah Professor le Executive Director kan ngeih chunmi asi.

Amah hi Kuki miphun chung in Political Scientist ngeih chun a si ko lai, mino te a si nain minthang ngai mi asi. Midawt a thiam, a manh lo lio pi zong ah phone call an kan tlaih piak peng, zingzan ti nawn in WhatApp in ca an kan kuat, an kan chonh, Kawlram kong a biachimnak kip ah an kan sawm, a donghnak bik kan i chonh cu April 10, 2021 ah a si i atu zing ah a pumpak phone number in cakuat a ra mi ka zoh cu, a nunnak a liam cang timi a si tikah ka lau ko zumh zong a har ngai.

A mah thawngin Delhi Chin ralzam nih India ram uktu upa hmai tiang ah bia chimnak caan kan ngei kho tawn. Mipi nih tihzah mi, uartuk mi a si caah Conference, Workshop ti bantuk boruak an kan ser piak, cu ahcun UN lei hruaitu, India Cozah hruaitu ti bantuk a sawm hna i cu bantuk hmai ahcun Chin ralza kan dirhmun, kan harsatnak pawl an kan chim ter tawn ve.

Kawlram kong ah a bik in vawleicung media le Researchers pawl nih an ton mi, Interview an tuah peng mi asi. Tutan Kawlram Ralkap nih hramhram in mipi uknak an chuh mi kong zong ah Interview tampi an tuah manh. 

A donghnak bik Kawlram buainak kong Interview an tuah hi April 9, ah a si i Channel News Asia (CNA) nih an tuah mi asi. Paper chuah mi cu a tampi hmanh ve. Ramkhel cauk thatha an kan chuah piak tu zong a si. 

Covid-19 zawtnak ruang ah nihin zing ah an kan liam tak ve. Kawlram minung nih pasaltha kan sungh lawng si loin, Delhi khuasa Chin ralzam an kan dirkamhtu kan pa pakhat nih an kan liam tak bantuk a si. 

Kawlram kong ahcun Expert, Scholar pakhat asi, Zeibantuk Ramkhel boruak pical paoh ah Vawleicung Media pical in interview an tuah mi, a ruahnak an hal tawn mi asi. A paam tuk hringhran e.

Thawngthanhtu: Salai Cung Dawt (Delhi)

- Advertisement -

Ṭial Tharmi

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chuh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Pu Herh Lian nih COVID-19 in a kan liamtak

Hakha, Thantlang le Yangon um Laimi nih kan bochan tukmi hla phuah thiam Pu Herh Lian, kum 50 nih tuni ah a kan liam...
- Advertisement -

Malaysia Chinmi COVID-19 in ni fatin ngawt kan thi

Atu hi Malaysia cu COVID-19 zawtnak a karh tuk lio asi. Ni fatin mizaw thong 15 hrawng peng an hmuh hna. Tuni zong COVID-19...

Aung La nih KO bakin Ataides a tei hnu ah “aa ka ngamh paoh ka singkhaw uh” ati

Aung La N Sang nih zahan zaan ah Brazil pa Ataides cu an i ṭhuat cangka in tlu lakin a thongh i puaipiat (KO)...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -