Chinmi 3 Myanmar Idol Top 6 ah an Kai Rih

Tuzaan ah Myanmar Idol nih vote result a thanh ciammam cu Chinmi an 3 ning tein Top 6 ah an kai rih.

Esther Dawt Chin Sung cu kan hnu zarh ah Aye Mya Phyu le a tla cangmi Tan Khun Kyaw he vote tlawmbik 3 ṭhutden ah a ṭhu nain tu zaan cu direct in a kai colh.

Yaw Kee hi liamcia zarh 2 lio ah vote tlawmbik 3 ṭhutden ah a rak ṭhu ve nain kan hnu zarh le tuzaan cu direct in a kai colh.

Benjamin Sum balte cu atutiang vote tlawmbik 3 ṭhutden ah a ṭhu bal rih lo. Direct in a kai colh peng.

A awṭha taktakmi Aye Mya Phyu cu kan hnu zarh he tu zarh he vote tlawmbik 3 ṭhutden ah a ṭhu. Amah hi winner ngah khotu asi ve tiah mi tampi nih an zumhmi asi nain atu ning te cun a caah ruahchannak a tlawm ngai.

Tu zaan vote tlawmbik 3 ṭhutden ah Aye Mya Phyu he a ṭhu vemi 2 cu Moo Ler le Htet Inzali an si.

Anmah 3 lakah vote tlawmbikmi Htet Inzali a tla, i Aye Mya Phyu le Moo Ler cu an kai ṭhan.

Atutiang thil sining zoh tikah Chinmi 3 lakah pakhat paoh cu Grand Final tiang phak khawh dawh an si. An aw zong a ṭha ve hrim i winner zong si khawh asi.