10.3 C
Hakha
Wednesday, November 25, 2020

COVID-19

Vawleipumpi
60,349,260
A zawmi
Updated on November 25, 2020 4:35 pm
Vawleipumpi
1,419,296
A thimi
Updated on November 25, 2020 4:35 pm
Vawleipumpi
41,253,803
A dammi
Updated on November 25, 2020 4:35 pm

Chinmi 2 bak Myanmar Idol Grand Final ah an kai, winner caah vote pek ngah cang

Advertisement

Benjamin Sum le Esther Dawt Chin Sung cu tuzaan ah Myanmar Idol Season 4 Grand Final ah an kai. Myanmar Idol an thoknak in nihin tiang kum 4 chungah atu lawng hi Grand Final ah Chinmi 2 bak an kai kho.

Chinmi nih winner a ngah cun Myanmar Idol ah Chin nih avoi 1nk bik winner kan ngah si lai.

Grand Final ah minung 3;

  • Benjamin Sum
  • Esther Dawt Chin Sung le
  • Aye Mya Phyu an kai. Anmah 3 chungin winner thim an si lai. Moo Ler le Tan Khun Kyaw an tla.

Grand Final a kaimi 3 cu atu in hmai zarh Zarhteni zaan tiang vote pek khawh an si cang. Anmah 3 lakah vote tambik a ngahmi cu Myanmar Idol Season 4 winner asi cang lai.

Hmai zarh Zarhteni (December 28) zaan ah winner aa cuhmi 3 zuamnak an tuah lai.

Esther Dawt Chin Sung cu zahan zaan a vanchiat tuk caah Laimi tampi nih “Esther goodbye, Esther a tla cang lai…” ti bantukin a phunphun in an ṭial len nain mipi nih a vanchiat ruangah asi ti an rak hngalh tuk i vote tampi an pek caah a kai ṭhiam ko.

Esther cu Chin Idol winner a rak ngahtu awṭha asi ve pinah Chinmi lawng si loin Kawl pawl hrim nih an uar tuk ve i winner ngah kho asi.

Hmai zarh winner thimnak Grand Final ah Chinmi chungin Benjamin lole Esther nih winner a ngah lai maw, siloah Aye Mya Phyu nih dah a ngah lai ti cu thinphan dai lo bak asi ko cang.

Grand Final ah a kai vemi Aye Mya Phyu

Aye Mya Phyu hi a awṭha tuk ve i Chinmi nih winner ngah lo zong a fawi.

Benjamin Sum nih zahan zaan ah “nu nih ngah hna seh ti ka duhpiak hna…” tiah a chim caah biakhiaktu Tin Zar Maw le mipi tampi nih “a lungput ṭha tuk…” an ti i an uarnak a karh chinchin.

Benjamin cu a aw zong phun dang ngai asi caah a soiseltu an tampi ve nain a uarmi nih cun an i molhpi hnik cang caah amah nih winner ngah zong a fawi.

Hmanthlak — Liamcia Myanmar Idol zuamnak ah winner a ngahmi pawl: Season 1 ngahtu Saw Lah Htaw Wah (Karen), Season 2 ngahtu Thar Nge (Rakhine), Season 3 ngahtu Phyo Myat Aung (Ayeyarwady) le Season 4 ho dah ngah lai, Chinmi nih ngah seh ti na duh maw?

A thiam lomi rumro miphun thleidan in ṭanh cu a phung si lo nain, Esther le Benjamin cu a thiam bak veve mi le winner ngah dingah aa tlak bak veve mi an si ko caah Chinmi nih winner ngah seh ti a duhmi nih cun torlecheng in vote ding.

Mipi vote bak lawng in winner thim asi ko caah Benjamin lole Esther nih winner a ngah lo i Aye Mya Phyu nih winner a ngah ahcun Chinmi caah caanṭha tuk kan sung tinak asi hnga. Acunglei ka ṭial bang, Myanmar Idol an thoknak in nihin tiangah Chinmi nih hi tluk caanṭha kan ngah bal lo.

Tutan cu a donghnak si ko cang i a vote bal lomi zong nih vote viar ding, a vote pengmi zong nih i hnek rih hau ko lai.

Vote pek ning a thiam rih lomi kan um sual ah, mah hi hmet law ramchung ramleng in vote pek ning kan rak ṭial ciami zoh ṭhan khawh asi.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

COVID-19

Vawleipumpi
60,349,260
A zawmi
Updated on November 25, 2020 4:35 pm
Vawleipumpi
1,419,296
A thimi
Updated on November 25, 2020 4:35 pm
Vawleipumpi
41,253,803
A dammi
Updated on November 25, 2020 4:35 pm
- Advertisement -