Chinland FC nih Cikha khua COVID-19 thlopnak thilri ting 20 man a hlut hna

- Advertisement -

India ramri um Chin state, Tonzang peng Cikha khuami cu COVID-19 pulrai nih fak tukin a den hna caah Chinland FC nih thlopnak thilri a hlut hna.

Chinland FC ngeitu Believers Church Arch Bishop Dr. Ck No Chum le Chinland FC President Thawng Tha Thang nih, “15lit Oxygen dur 10, Flowmeter dur 10, PPE thilthuam 100, Face shield 100, Boot cover 100, Surgical cap 100, KN 95 mask 100, Surgical gloves 100, Oxygen marks 50, tbk ting 20 man hrawng an hlut hna,” tiah Chinland FC nih a thanh.

Hmasa zongah voi 2 an rak bawmh bal cang hna, atu hi avoi 3nak asi.

Mei rat lo caan hman awk ah miset le adang poipang hman ding thilri an rak hlut hna.

Chinland FC President Thawng Tha Thang nih, “COVID-19 pulrai ruangah a nunnak liammi Chin miphun hna kong ka ruah ah ka ngaihchia tuk,” ati.

“Cikha khua caah Bawipa Pathian sinah thla kan cam zungzal lai.

“Kan miphun harsatnak cu kanmah harsatnak asi. Anmah an chanbau ahcun kanmah zong kan chanbau,” ati.

Thantlang, Hakha, Falam, Tedim, Mindat, Matupi, tbk Chin state khua dang pawl zong COVID-19 mizaw thlopnak thilri an hlut hna.

Hi bantuk Chin mipi le Myanmar mipi herhbaumi siang tein a hluttu Chinland FC le President Thawng Thang hi Pathian nih let tampi in thluachuah pe ko hna seh.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...