23.7 C
Hakha
Thursday, June 24, 2021
- Advertisement -

Ṭial Tharmi

China Ralkap nih India Ralkap 20 Thi Lakin an Velh Hna

  • Ramri kongah China le India ralkap cu June 15 zaan ah an i vel hna, kap 2 ralkap tampi an thi
  • India ralkap 20 thah an tong, tiah India cozah nih a thanh
  • India ralkap nih ramri an lonh caah kan lehrulh hna, tiah China nih a thanh
  • Ramri ah China nih ralkap torlecheng a kuat hna, India nih a kuat ve hna

Ramri, Ladakh region i Galwan horkuang ah China le India ralkap pawl cu hmaitonh bakin an i vel hna.

“China ralkap zong tampi an thi. India ralkap 3 an thi ve,” tiah India ralkap nih a thanh.

Suimilaam tlawmpal a rauh hnu ah India ralkap nih thawngpang thar a thanh ṭhan, “fak tukin hliam a tongmi India ralkap 17 an thi chap” ati. Hmasa a thimi he cun 20 an si.

“China le India ralkap an i ṭhuat lio ah meithal zun khat hmanh an puah lo. Lung le thir tlang in an i ṭhua hna,” tiah India cozah nih Reuters media ah a chim.

India mipi nih China duhlonak an langhter lio

China cozah nih cun a ralkap hliam tongmi le a thimi zat a thanh lo. A thimi an tamtuk caah a ningzak i maw si hnga asiloah zei ruang dah si ti cu hngalh asi lo.

China cozah media Global Times nih “China cozah nih cun a thimi le hliam tongi zat a thanh lo. Aho te lei dah a thimi an tam deuh tiin i tahchun nak le i huatnak a karh chin lai ti a phang,” tiah Twitter ah a ṭial.

India media pawl nih cun “China ralkap 43 an thi ve” tiah an ṭial.

Ramri ah huatnak daihter dingin liamcia ni 10 chung kha kap 2 ralbawi pawl biaruahnak an ngei cang. Mah lio ah hitin meithal hman lo bakin an i phomh hna hi si.

Atu zong ramri ah kap 2 ralbawi pawl biaruahnak an tuah cuahmah lio asi.

Mah ramri kong ahhin kum 1960 ah ral an rak i tu. Atutiang ramri kong hnatlaknak an ngei veve lo i ramri i cuh in khat le khat an i ngiar peng.

Charhchan: Times of India, Business Insider, Reuters, CNN

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -