16.7 C
Hakha
Thursday, June 17, 2021
- Advertisement -

Ṭial Tharmi

China nih Australia Pa Thah Dingin Bia a Khiah

Australia pa cu China cozah nih ritsii na luhpi tiah thah dingin bia a khiahpiak. Australia le China cozah kar huatnak a fak chin kho.

Australia pa cu a min ah Cam Gillespie asi. Nithumni ah Guangzhou Biaceihzung nih thah dingin bia a khiah, tiah biaceihzung website ah an thanh – Australia rammi asi ti pin cu zeihmanh a konglam an fianter lo.

China media nih an ṭial ning ahcun, mipa cu 2013 December ah Guangzhou Baiyun Airport ah a suitcase chungah ritsii meth 7.5kg he an tlaih, ti asi.

China cu Australia chawlehnak caah a biapi bikmi ram asi. Australia university pawl zong nih China siangngakchia sin in tangka tambik an ngah. Australia khualtlawnnak lei company pawl zong nih China khualtlawng sin in tangka tami an ngah tawn.

Nain, liamcia kum tlawmpal in an ram 2 kar pehtlaihnak a ṭha lo chin lengmang. Australia cozah nih Covid-19 zawtnak aa thoknak hrampi hi hlathlainak tuah ding asi ati hnu hrim cun China a thinhunnak mei bang a lin.

China nih a ram ah zuarmi Australia barley (facang bantuk simi rawl phunkhat) cu tax ceilak a lak pinah, a rammi pawl zong Asian a kan neek tuk caah Australia tlawng hlah uh tiin ralrin a pek hna.

Pu Scott Morrison

Australia ram hruaitu Prime Minister Pu Scott Morrison nih, “Chinese miphun a kan neek an timi cu lih lawngte asi. Tlerh luklak ruangah Australia cozah kan thinphang bal lai lo, i a kan tlerhtu sinah kan i ap bal lai lo,” tiah China cu a leh.

Ni kum ah, Canada cozah nih Huawei company tangka tlaitu nu Meng Wanzhou a tlaih ruangah China nih Canada rammi 2 cu ritsii nan luhpi tiin thah dingin bia a khiahpiak hna.

Canada cozah nih a rammi 2 Robert Schellenberg le Fan Wei cu China cozah sinah ngaihthiam a halpiak peng hna nain atutiang a hlawhtling rih lo.

China nih Canada cozah palai hlun telh in Canada rammi dang 2 zong ‘sungṭhoh nan si’ tiin a tlaih rih hna. Canada nih Meng Wanzhou a tlaih ruangah China nih a lehrulhmi si tiin mi tampi nih an zumh. — AFP

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -