15.6 C
Hakha
Wednesday, June 23, 2021
- Advertisement -

Ṭial Tharmi

China ah rianttuan a kalmi Chin faphir nu 2 an tlau

Tamu peng, city market (10) sang ah a ummi Pu Abraham i fanu pahnih Mawizuali le Mawiberi (faphir) cu 2018 inkhan China ram ah rianttuan ah an kal. 2019 May thla ah ni 14 chung thong an tlak hnu ah an chungle nih an pehtlai kho ti hna lo.

“Ka fale he kan i pehtlaih khawh ti lonak hi kum 1 a tling deng cang. Myanmar cozah sinah bawmh kan hal i 2020 April thla hrawng ahkhan China ram in ttuanvo ngeitu nih Myanmar ram lei ah an kuat cang hna ti thawng kan theih nain atu tiang ka fale cu kan pehtlai khawh hna lo caah ka lungrethei tuk,” tiah hringtu pa Pu Abraham nih a chim.

Faphir unau Mawizuali le Mawiberi cu 2018 ahkhan phungning tein China ram ah rianttuan ah an kal.

2019 May 25 ahkhan China ram, Jiangsu khua ah a ummi Zhangjiagang palek sakhan ah ni 14 chung thongthlak/hren an si lai tiin thawngpang an theih hnu in atu tiang an thawngpang theih a si ti lo.

“Ka fale 2 cu 2018 ahkhan phungning tein China ram ah rianttuan ah an kal i an phak ka in thla 4 hrawng cu leng ah rian an ttuan.

“A hnu ah ngakchia pawl ca an chim hna. 2019 May thla ah palek pawl fialnak in palek sakhan in phone a kan chawnh. Mah hnu cun kan pehtlai kho ti hna lo. Atu ahcun kum 1 tling deng cang,” tiah Pu Abraham nih a chim.

Pu Abraham nih a fale a pehtlaih khawh ti hna lo caah mah konghe aa pehtlaimi cozah lutlai sinah bawmh a hal hna i China lei in ttuanvo ngeitu nih unau hna cu 2020 April thla ah Myanmar lei ah an kuat hna.

Nain, atu tiang unau hna cu an nulepa sin an phanh rih lo pinah an umnak theih a si lo. – Chin World

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -