Matupi khua ah firmi motorcycle pawl cu tehte he hlam khawh a si

- Advertisement -

Chin state: Matupi khua ah firmi motorcycle pawl cu keimah ta a si ko ti langhter khotu tehte in hlam khawh an si tiah Matupi khua palek bawi U Aung Myo Win nih a chim.

“Atu hi motorcycle firtu minung 2 kan tlaih hna. An firmi motorcycle tampi chung in 4 lawng kan chuh khawh rih hna. A motorcycle a tlaumi pawl zong palek sakhan ah an ra cang.”

“A rami hi minung 7,8 hrawng an si. An zoh i keimah ta si lo an ti i an tin dih hna. Keimah motorcycle a si ko a timi nih tehte he rak hlam khawh a si,” tiah U Aung Myo Win nih a chim.

Matupi khua palek sakhan ah a ummi motorcycle 4 cu atu tiang aho hmanh nih an hlam rih lo.

“Motorcycle pawl cu palek sakhan ah an chiah sawhsawh ko hna. Tehte ngeih lawngah hlam khawh a si ahcun Matupi khua chungah a tlaumi motorcycle tam deuh cu license ngeilo deuh lawngte an si hna caah zeitin dah an hlam khawh lai.”

“Cheukhat nih motorcycle cu Kyats ting 2 in hlam khawh a si an ti zong kan theih. Kan nih cu MP U Aung Lian Matupi a phak tik ah ceihpi dingin kan hngak,” tiah Matupi khuami pakhat nih a chim.

Motorcycle firtu pawl cu atu hi Matupi palek sakhan ah an hren chung hna. Motorcycle firtu pakhat nih a chimnak ah motorcycle 100 hrawng kan fir a ti.

Matupi khua ah thlakhat chungah motorcycle 100 leng a tlau. Voidang ahcun motorcycle firtu pawl cu khuami nih an tlaih khawh ko hna zongah Matupi palek sakhan nih kum tlinglo (kum 18 tang) ngakchia an si ruangah dan an tat bal hna lo. – Chin World

Follow US

102,148FansLike
53FollowersFollow
731SubscribersSubscribe

Ṭial Tharmi

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...

Mintami Nanda Hlaing te inn an lockdown

Kawlram hlan lio mintami minthang Nanda Hlaing te inn cu a tu hi nawl ngeitu nih lockdown an tuah.

Mara nih VP Pu Henry Van Thio sinah hitin ca an kuat

CNLD candidate simi Saya Rung Kaw nih naite Mara ram a tlawn lio ah an lam sul le mipi thinlung a hmuh...

Hakha rawl dawr ah tthut khawh si ti lo

Hakha khuapi ah Covid-19 vennak caah zawtnak karh a fawinak rawl dawr le lakphak dawr pawl ah tthut in ei khawh si...
- Advertisement -