15.6 C
Hakha
Sunday, June 20, 2021
- Advertisement -

Ṭial Tharmi

Chin State Cozah nih “Sui Hlei Tial ruak kong cu hlathlainak kan tuah lai” a Ti

Tu zaanlei 1pm ah ngaihchiat a tongmi chungkhar le Thantlang Mino Bu nih Chin State Cozah an ton i Thantlang cozah COVID-19 Main Committee nih Sui Hlei Tial ruak lamkam ah a phumter mi hna an lungfahnak an chim hnu ah hlathlainak tuah dingin le hma lak piak dingin an hal.

Chin State cozah nih, “nan chimmi hi kan in ruahpiak hna lai i cathanh/statement siseh, thawngfianhnak zong kan tuah lai,” tiin bia a tiam hna. An i tonnak kong cu Thantlang Mino Bu nih atanglei bangin a thanh.

Thantlang Mino Bu: Kan farnu Sui Hlei Tial ruak tawlrelnak he pehtlai in pehzulh fianternak

2020 October 08, zinglei 09:00-11:00 ah Thantlang penguk zung ah cozah zunglei nawlngeitu, khua nu/pa le TYA/TSC upa tonbiaruahnak kan ngei. A biapi in kan lungfah, ngaihchiatnak le biakhiahnak ngeitu Covid-19 main committee ah khuami le zatlang phu telh le ruahnak hal ding ah chimhruah a si.

2020 October 08, zanlei 1:00- 4:00 ah Chin ramkulh cozah in Vuanci Pu Soe Htet, Upadi Choh Pu Sonny Thang Cung, Chin ramkulh uknak zung bawizik, Palik bawizik le khua nu/pa, biaknak lei, ngaihchiatnak tong mi chungkhar le TYA/TSC kan i tel.

Tonnak a dih hnu ah Ramkulh cozah le TYA/TSC lawng tel in tonnak ngeih ding in hal a si i a dih hnu ah kanmah le Cozah upa lawng zalong tein kan i tong.

Chin ramkulh cozah sin ah kan hal mi cu: 

1. Hi kongkau ah mizapi lei teltumnak in a zalong mi hlathlai phu (Independent Inquiry Commission) dirh i hmuhchuah mi fianhnak le dantatnak ngeih ding

2. Peng huap Covid-19 Committee ah khuami teltumnak ngei ding in remhsiam ding

3. Hihnu hmailei ah hi bantuk a um lo nakding le Covid-19 zulhphung he aa tlak in aho mithi zong nih thlaan hmunte ah an i vui khawh nakhnga tawlrelpiak ding

Hi a cunglei kan hal mi kong ah Chin ramkulh cozah nih ruahpiak ding le Statement siseh, thawngfianhnak tuahpiak ding in lehnak an kan ngeih.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -