17.2 C
Hakha
Monday, July 26, 2021
- Advertisement -

Ṭial Tharmi

Chin State Cozah nih Kum 5 Chung Rian Kan Ṭuanmi Vialte Lakah a Har Bikmi cu ‘Innhmun Samh’ a Si

Chin State Cozah nih kum 5 chung rian kan ṭuanmi vialte lakah a har bikmi cu khuapi ser dingin innhmun samh a si, tiah hruaitu Salai Lian Luai nih Chin World Media interview ah a chim.

“A harmi an tampi ko nain kan lungre a kan theihter bikmi, soisel le doh kan ton bikmi cu innhmun samh kong ahhin asi.”

“Cozah, Hluttaw le zung dang pawl he simanking kan suai tikah Hakha cu Chin khualipi asi caah ṭha deuh in ser i zuam usih tiin bia kan khiah tawn.”

“Mah ruangah khuapi simanking (urban planning) suai thiam pawl le thiamsang engineer pawl sawm in le tangka tampi dih in, le mipi zong biaruahnak tuah in innhmun kan samh ko nain a har tuk. Mipi nih an theihning aa dan caah innhmun samh a har tuk,” tiah Chin State Cozah hruaitu nih a chim.

“Cozah nih upadi buar in vawlei chuhmi an um lo. Khua mipi he tonbiaruahnak kan tuah hnu ah upadi ning tein le khuami he zong i rem dingin kan dihlak lungrual tein mipi caah, Chin miphun caah Chin khualipi ah holh aa khat lomi kan unau vialte zong um kho dingin Hakha khua hi usa kan pekmi si,” ati.

“Falam cu district khuapi asi. District level si dingin ngandamnak he aa tlak tein umkhuasak duhnak khua si dingin le chan he aa tlakmi khua si dingin ser kan i zuam.”

“Paletwa zongah Kaladan simanking tamtlinter kan i zuam. A tlamtlin tik cun chawlehnak khuapi asi te lai. India le kan rampi he zong fawi zaang tein chawlehnak tuah khawh kan duh,” ati.

NLD Chin State Cozah nih kum 5 chungah Falam ah sang thar 4 a samh i khuapi simanking tuah dingin vawlei acre 1,000 leng a zuah.

Hakha zongah July thla thok ah vawlei acre 676 cu innhmun saktu chungkhar 400 leng an um caah me-zuh in a zuarh hna.

Charhchan: Chin World

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -