20.6 C
Hakha
Tuesday, June 22, 2021
- Advertisement -

Ṭial Tharmi

Chin state chungah nithla a thi cangmi eidin zuarmi a tamtuk

FDA nih Chin state chung um eidin zuarnak dawr pawl a check hna i nithla a thi cangmi eidin an hmuh peng rih.

“Eidin dawr pawl kan va check hna tikah nithla a thi cangmi eidin zuarmi hi tambik kan hmuh. Dawr 10 kan check ahcun dawr 7 hrawng ah cubantuk nithla a thi cangmi eidin pawl cu kan hmuh hna.”

“Dawr check kan kal paoh ah nithla tha tein zoh dingin kan chimh peng hna. Nain, nithla a thi cangmi eidin pawl cu atu tiang kan hmuh peng rih ko. Thil an cahnak hmun pawl nih nithla a thi deng in an kuat hna zong si kho. Thil a phak sin tein dawr ngeitu nih an thil pawl cu ttha tein an check hna a hau,” tiah Chin state FDA rianttuan Dr. Joseph nih a chim.

Naypyitaw ah a ummi FDA zung nih dinei awk ah a ttha lomi eidin pawl cazin cu thla 3 ah voi in 1 a chuah. Nain, Chin state tu ahcun dinei lo ding cazin chiahmi pawl cu a um lo, nithla a thi cangmi eidin pawl lawng hmuh a si.

Hakha khuapi ah eidin a zuar vemi Mah Lwin Lwin Oo nih “FDA nih eidin pawl a checkmi hi ka lungtling ngai. A ruang cu, minung eiawk ah a ttha lomi thil cu zuar ka duh lo. An check lomi thil a um sual hmanh ah ka pek hna i ka check ter hna” tiah a chim.

FDA nih Hakha khuapi ah eidin zuarnak dawr pawl cu thla 1 ah voi 2 a check. Falam le Mindat khua ahcun thla 1 ah voi 1 a check. Chin state pumpi ah a ummi khua pawl ahcun kum 1 ah voi 1 cio a checkpiak hna.

Dr. Joseph nih “nithla a thi cangmi eidin pawl cu kan chuh hna i sipin sinah kan ap. Sipin nih a khangh. Atu tiang ahcun zeihmanh dantatnak kan tuah rih lo. Nain, nithla a thi cangmi eidin zuar lo dingin kan chimh peng ko hna buin kan check fatin kan hmuh rih caah an i tthinh hlei rua lo. Tuhnu cu warning peknak tuah hnu ah dawr tiang kharpiak dingin khuakhannak kan ngei” tiah a chim. – Chin World

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -