Chin state chung ramdangmi khualtlawng pawl cu cozah theihpimi hmun lawngah an i tthum kho

Chin state chung ramdangmi khualtlawng pawl cu cozah theihpimi hmun lawngah an i tthum kho

Chin state chungah a rak tlawngmi ramdangmi khualtlawng pawl cu cozah tuahpiakmi hmun lawngah an i tthum kho tiah Chin state Sipin Vuanci U Soe Htet nih a chim.

Ramdangmi khualtlawng pawl cu Chin state chung an tlawn tikah riahnak kongah tangka a dih tuk caah harnak an tong tiah khual lam hmuhsak tu nih an chim.

“Cozah rianttuan nih hlan lio ahcun ramdang khualtlawng pawl cu hotel ah riahnak nawl an pek hna. Atu ahcun a hlan bantuk si ti lo caah Chin state ah khualtlawng an zor. Cheukhat khualtlawng cu an mah pi lawng hna an si. Hotel man a fah tik ah harnak an tong,” tiah khual lam hmuhsak tu pakhat nih a chim.

“Ramdangmi khualtlawng hna an i tthumnak caah a herhmi hotel le motel pawl kan sak piak ko hna,” tiah Chin state Hotel le Khualtlawnnak Vuanci Zung nih a ti.

“Chin state cozah nih ramdang khualtlawng hna i tthumhnak caah hotel le motel kan sakmi a um. Atu cu hotel dang ah an riak i a theih hmanh kan thei lo. A si awk zong si lo. Cozah tuahpiakmi hmun ah an riah awk a si,” tiah Chin state Hotel le Khualtlawnnak Zung rianttuan Aung Phyu nih a chim.

“Ramdangmi khualtlawng hna hi tangka an ngeih ruangah khual an tlawn hi a si. Chin state an phak tikah man deng tein hotel hlan an duh. Khual lam hmuhsaktu pawl nih kan ram aa dawhnak hmun, fing le tlang hmang in tangka hmuh an duh.”

“Khualtlawng pawl nih a dang state an tlawn lio ah tangka tampi an hman nain Chin state an phak lio ah tangka tampi dih an duh lo ruangah a si,” tiah Aung Phyu nih a chimchap. – Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.