Tu kum September thla thokin Chin state um Surbung Airport ah punghman tein vanlawng a ṭum cang lai, tiah Chin State Cozah biachimtu Sipin Vuanci U Soe Htet nih a chim.

Falam khua pawngah sakmi “Surbung Airport cu June thla dongh ah lim dingin timh asi. Tlawmpal an test hnu September thla in cun punghman tein vanlawng a ṭum cang lai, punghman in hman asi cang lai,” tiah Vuanci U Soe Htet nih a chim.

Surbung Airpot cu 2015-16 Budget in sak thokmi asi i Chin state ah a um hmasa bikmi airport asi lai.

Myanmar ram chungah asi fak bikmi le a ṭhangcho lo bikmi Chin state hi tlawn fawi deuh sehlaw ṭhangcho deuh ve seh ti ruahchannak in sakmi asi.

Fur caan lebang ahcun leimin le tilian ruangah Chin state cu tlawn khawh asi tawn lo. Airport a um hnu cun asi cang lai tiah i ruahchan asi. — Xinhua

Tial Lian Thang

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express...