15.1 C
Hakha
Monday, June 21, 2021
- Advertisement -

Ṭial Tharmi

Chin state ah ngakchia tlaihhrem voi 16 um nain tam deuh cu ‘Lai phung’ in an i ngaithiam

Chin state ah, kum 1 chung (2018 September in 2019 August kar) ah kum tlinglo ngakchia tlaihhrem voi 16 a um nain tam deuh cu ‘Lai phung’ in an i ngaithiam, tiah KMSS Chin state zung cazin ningin kan theih.

“Chin state ah kum tlinglo ngakchia tlaihhrem a tam ngai nain, tlaihhrem a tongmi ngakchia tam deuh cu nulepa he a um lomi an si,” tiah KMSS Chin state zung manager Salai Dawt Lian Hmung nih a chim.

“Chungkhat inn ah a ummi ngakchia pawl hi tlaihhrem a tongmi an tam. Caw silole vok pakhat thah in le tangka ting 10 hrawng pek in Lai phung in an i ngaihthiam caah palek nih case on duh zongah on khawh asi lo.

“Cozah cazin zongah, tazacuai khawhmi hi 3 hrawng lawng um. Kanmah zong nih hlat le bawmh kan duh hna nain bawmh khawh an si lo,” tiah a chim.

Ngakchia tlaihhrem a umnak hmun hna cu;

  • Hakha ah voi 3
  • Mindat ah voi 4
  • Matupi ah voi 3
  • Tonzang ah voi 3
  • Tedim ah voi 3, tiah a dihlak voi 16 (case 16) a um. Mah chungah 3 lawng tazacuai an tong, adang paoh cu Lai phungin an i ngaithiam.

Kum tlinglo ngakchia tlaihhrem i ngaihthiamnak kongah Salai Dawt Lian Hmung nih, “hitin i ngaihthiam hi cu a ttha hrim lo, Lai phung (Chin phung) ahcun aa thatmi zong an i ngaithiam ko nain, hi cu asi kho deuh lo,” tiah a chim.

“Cun, an ngaihthiam duh hna lo tikah pastor an i ruaih hna caah an ngaihthiam duh hna lo buin pastor hmai khah loin an ngaihthiam tawn hna. Cutin nulepa le chungkhat nih an ngaihthiam hna nain, tlaihhrem a tongmi ngakchia caah cun a nun chung hmape bantukin a taang peng.

“Ngakchia a nunnak kha tangka ting 5, ting 10 in an zuar bantuk asi. Cun, ‘ka tlaihhrem zongah apoi lo, ngaihthiam hal khawh an si ko’ ti lungput an ngei lai ti zong phan a um. Hlutdaw zong nih mah upadi hi a kan remhpiak a herh,” tiah a chimchap.

Kum tlinglo ngakchia tlaihhrem tong tam deuh cu kum 10 tang an si i pa ngakchia pakhat le nu ngakchia 15 an si. — Chin World

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -