15.6 C
Hakha
Sunday, June 20, 2021
- Advertisement -

Ṭial Tharmi

Chin State ah Kunpawng, Khaini le Raja Man a Kai Tuk

Covid-19 zawtnak ruangah ni tampi chung dawr thil a dih i Chinmi nih kan duh tukmi kunpawng, khaini le raja man khuaruahhar bakin a kai caah a eimi pawl harnak an tong, tiah kan theih.

Tedim khua mino pakhat nih, “Covid-19 zawtnak um hlan ahcun khaini bawm 1 ah 500 kyats asi nain atu cu 1,500 kyats asi cang. Kunpawng ṭhoh 6 ah 1,000 kyats in cawk duh hmanh ah kawl chom a hau cang,” tiah a chim.

Chin khualipi Hakha khuami pakhat nih, “zawtnak um hlan ahcun raja ṭhoh 1 ah 500 kyats asi nain hnu ahcun cawk awk um lo tiangin a piat. Atu a phan ṭhan i ṭhoh 1 ah 1,500 kyats in an zuar. Kunpawng cu ṭhoh 1 ah 1,000 kyats in kan cawk,” tiah a chim ve.

Chin state thlanglei Mindat khua zongah atutiang kunpawng a piat i Matupi zongah khaini man a kai tuk.

Matupi khuami pakhat nih, “khaini bawm 1 ah 500 kyats in kan cawk tawnmi zawtnak um hnu in 800 kyats ah a kai, cun 1,000 kyats ah a kai. Mah bu hmanh cun caan saupi a piat. kunpawng cu a piatnak sau tuk cang,” tiah a chim.

Covid-19 zawtnak ruangah ramri kutka thla 1 leng an phih ruangah chawlehnak a pit i atu bantukin a man kainak si lai, tiah a hmangtu cheukhat nih an zumh.

Khuihsi in sermi kunpawng, khaini le raja nih minung kan ngandamnak a hrawh i cancer zawtnak tiang a chuahter khawh, tiah Kanpetlet Sizung lutlai Dr. Pau Sian Lian nih a chim.

“Khuihsi in sermi kunpawng, khaini le raja nih a bikin kan cuap, lung, hrom, lei le pawpi cancer a chuahter khawh.

“Tangka mit in zoh ahcun, hngal ma hngal lo tein kan tangka kan sung. Kan ziaza zong a hrawh. Voi tampi a eimi le hmawmmi cu ei/hmawm loin an um kho ti lo. Mi va hrawn dirhmun tiang zong an phan kho,” ati.

Charhchan: Chin World

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -