16.7 C
Hakha
Thursday, June 17, 2021
- Advertisement -

Ṭial Tharmi

Chin Refugee Pawl Tlai Ti Hna Hlah, tiin Malaysia Cozah an Hal

Alliance of Chin Refugees (ACR) Chairman James Bawi Thang Bik nih, “Malaysia cozah nih Chin refugee pawl tlai ti hna hlah,” tiin Malaysia media pawl sin in a hal.

Nizaan ah ACR zung ah Malaysia media pawl sinah thawngthanhnak a tuah i atu bantukin a hal hi si. James cu Malaysia MP Charles Santiago le Malaysia pastor Michael Moey zong nih an telpi.

Naite ah Malaysia cozah nih lockdown a tuah chungah refugee pawl a tlaih hna i Kawlram a kuat hna caah James nih “tlai ti hna hlah” tiin a halnak si.

James nih a halmi cu Malaysia media pawl nih Mirangca in an ṭial cio.

“Cozah nih refugee le ramdangmi hi a cawh hna awk si lo, refugee cu ramchung ral le buainak ruangah a zaammi an si i an ram kir ahcun harnak tampi a tong ding an si.

ACR Chairman James Bawi Thang Bik

“Cozah nih refugee le asylum seeker a cohlang lo nain, hmailei ahcun kha bantukin tlaih le chuahkehnak ram kuat um ti hlah seh ti kan duh,” ati.

Malaysia cu kum 1951 Refugee Sachoh le 1967 Refugee Sachoh ah minsen a thut lomi si caah refugee le asylum seeker cu a cohlang hna lo i ‘phungninglo ramdangmi’ cazin ah a chiah hna.

James nih, “refugee tlaih le khirh an ton tinak hnga lo Ramchung Vuanci Pu Hamzah Zainudin zong ton kan i zuam cuahmah,” tiah a chim.

April thla ah, Pu Hamzah nih, “cozah nih refugee cu kan cohlang hna lo nain, UNHCR card a ngeimi cu ram thumnak an lanh hlan cu an um kho ko,” a rak ti.

‘Nuhrin Covo caah Asean MP Funtomnak’ timi Asean ram vialte MP pawl nuhrin covo khuakhannak phu chairman a simi Malaysia MP Charles Santiago nih, “mah kong he pehtlai in Ramchung Vuanci Pu Hamzah he meeting tuah kaa zuam lai,” ati ve.

MP Charles Santiago, Malaysia cozah sinah Chin refugee kong a kan chimpiak lengmangtu

Hmasa i Ramchung Vuanci pawl cu refugee phu nih an rak tong kho bal hna lo.

MP Charles Santiago nih, “atu cu vuanci thar kan ngei i, a thar in i thok ṭhan khawh si.

“Cozah nih phungninglo ramdangmi le refugee (asylum seeker) cu a thleidan hna hrim hau, annih cu an ram ah hremnak an ton ruangah a zaammi an si.

“Refugee cheukhat cu fimthiamnak a ngeimi sibawi, engineer le technician zong an um. Ram thumnak an lanh hlan cu cozah nih rianṭuan nak nawl zong a pek hna awk si,” ati.

Pastor Michael Moey, Chin refugee a kan bawm pengmi asi. Naite lockdown chung zongah refugee pawl rian an tuan kho lo i ei awk an harsa lai tiin rawl bawmhnak tampi a kan pek

Tu kum October thla dongh tiangah UNHCR card/catlap ngahmi refugee 178,450 hrawng an um.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -