11.6 C
Hakha
Thursday, November 26, 2020

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm

Chin Refugee caah US President-thimmi Biden hi a Ṭha Maw?

Advertisement

  1. Biden nih US President a ṭuan cun Malaysia le India um Chinmi caah US kalnak kutka aa ong kho
  2. 2017 ah Trump nih President ṭuan a thok cangka in Chinmi harnak kan tong colh
  3. US phan Chinmi tampi zong an lungrethei tuk
  4. President Trump ruangah UNHCR nih Chin Ralzaam Donghter tiang a chuak
  5. Trump ruangah Malaysia in US kalnak a pit
  6. Bia donghnak

Malaysia UNHCR bawmhnak in US a kal ding refugee vialte US nunphung/ca an cawnnak USCO zung a bawmtu IRC (International Rescue Committee) nih, “Trump acozah cu refugee le asylum-seeker hrawktu asi. Biden nih Trump ralzaam policy ka hrawh dih lai i kum fatin a tlawmbik refugee 125,000 peng ka lak hna lai a ti,” tiah refugee caah Biden a ṭhat deuh tuknak kong a ṭial [source: IRC]. Cucaah;

(1) Biden nih US President a ṭuan cun Malaysia le India um Chinmi caah US kalnak kutka aa ong kho

2022 silole 2023 hnu cun Malaysia le India um Chinmi tam deuh ngai US kan phan lai ti ka zumh. Obama lio tluk tam cu kaa ruahchan lo nain Trump lio nak cun a tlawmbik let 2 tam deuh kan phan lai ti ka zumh. 2021 cu refugee 15,000 lawng lak dingin Trump nih min a thut cang caah “2022 hnu cun” ka tinak si [Source: White House ta charchan in ka rak ṭialmi]

(2) 2017 ah Trump nih President ṭuan a thok cangka in Chinmi harnak kan tong colh

Obama (Democrat) lio cu Chinmi tampi US kan phan tawn. Cucaah, US a kal ding refugee vialte a tolreltu zung pawl; OPE/RSC (Resettlement Support Center), DHS (Department of Homeland Security) le USCO (United States Cultural Orientation) ahhin Chin holhlet tam taktak kan rak ṭuan. 

Trump a kai i Chinmi harnak kan tong colh – Obama nih a chuah lai ah “2017 ah refugee 110,000 lak dingin minsen a thut ta” ko nain 2017 January 20 ah Trump nih president ṭuan a thok i a hmai zarh bakah “refugee pawl an chung muru tiang hlat dih ding timi policy a ser” colh i DHS nih refugee pawl check ah caan sau tuk a rauh caah Chinmi US kal an zor tuk ning hi khuaruahhar si.

Holhlet ka ṭuan lio si i US kal dingin RSC le DHS interview a phimi le cacawngmi an zor tukmi cu ni fatin ka hmuh peng. RSC le DHS interview phi Chinmi an um lo tuk ahhin chun ni tlak zeihmanh tuah loin kan ṭhut a tam tuk caah lahkhah thoh lai cun “kan la ngam hnga maw” tiin holhlet le holhlet kan i capo caan zong um.

Cucaah, Chin holhlet ca zongah rian um huaha ti lo i 2017 March 27 ah RSC nih Chin holhlet 7 le USCO (US Nunphung Cawnnak, Ca Cawnnak ti zongin auhmi) zung i nau um 2, an dihlak Chinmi 9 bak rian a dinhter (layoff) hna. 2017 ah refugee 110,000 lak ding timi cu 53,691 lawng US an phan. Obama lio 2016 nakin 37% an zor, Chinmi zong tam taktak an zor.

Source: US Department of Homeland Security

(3) US phan Chinmi tampi zong an lungrethei tuk

Trump refugee policy ruang cun mi min in US a phan cang i a kumkum in um cangmi Laimi pawl zong DHS, USCIS le EOIR nih 2017 dongh lai le 2018 thokka ah bia hal dingin zungah a auh thluahmah hna i Kawlram a kan khirh sual hnga maw tiin an lungretheih tuknak ah zaan zong an i hngilh kho lo.

Malaysia um Chinmi pawl zong US in DHS officer pawl an hung tlung i UNHCR zungah bia an hal thluahmah hna. Mi min hmang Chinmi tampi cu DHS nih “thih tiang US kal ti lo dingin” a hnon/reject hna, kan khuami zong reject tongmi an um ve.

(4) President Trump ruangah UNHCR nih Chin Ralzaam Donghter tiang a chuak

2017 October ah President Trump nih “2018 ah refugee 45,000 lawng lak dingin minsen a thut” caah UNHCR nih a himlo bikmi (most vulnerable) usa a pek hna i US kal Chinmi an zor tuk ning hi ngaihchia bak si.

Cuti cun 2018 June 13 ah UNHCR nih “Chin state cu ral zong um lo, CNF zong nih cozah NCA sachoh ah minsen a thut cang ko i a him cang caah UNHCR zohkhenhnak (ram thumnak kalter) nan herh ti lo …” tiin Chin Ralzaam Donghter dingin bia a khiah beh.

Khuaci kan mui kha awh. Kawlram in CHRO, US in Salai Elaisa Vahnie, Pu Lian Uk, Pu Zo Tum Hmung, tbk. le Australia in Pu Renny Ceu L Mang, Salai Ram Thintei, Pastor Ca Hlei Thang le Senator Dean Smith, tbk. tiang Malaysia UNHCR ton ah an ra dih i UNHCR nih “US le ram thumnak cozah nih refugee a lakmi a tlawm tuk cang caah most vulnerable lawng usa pek an si cang i Chin state cu refugee dang ram he tahchun tikah a him tuk ko caah si, ram thumnak a phan cangmi Chin hruaitu pawl nih nan phaknak ram cozah sinah Chin ralzaam tampi in lak dingin chim (advocate) ulaw ….” ati hna caah US le Australia cozah ton dingin Chin upa pawl nih “Chin Refugee Advocacy” phu zong an rak dirh i … sau tuk sual lai.

Source: US Department of Homeland Security

(5) Trump ruangah Malaysia in US kalnak a pit

2018 October ah Trump nih “2019 ah refugee 30,000 lawng lak dingin minsen a thut” caah Malaysia UNHCR zungum RSC/DHS lutlai Bryan nih “2018 November 3 thokin OPE/RSC interview kan khar cang lai, President Trump nih 2019 ah refugee 30,000 lawng lak ding a ti caah a himlo chiahrumi lawng usa pek an si cang lai i Malaysia in aa tel lo” tiin holhlet dihlak sinah thawng a thanh i nihin tiang an khar peng.

2018 November 3 hlan ah OPE/RSC interview a phi cangmi cu US an kalter ko hna nain, a phi rih lomi cu nihin tiang an caah US kalnak a pit. RSC interview thar hrim um ti lo. RSC le DHS interview phit loin US kal khawh asi lo. US kalnak a pit cikcek, Trump refugee policy ruangah.

(6) Bia donghnak

Trump ruangah Malaysia le India um Chinmi caah US kalnak a pit. Biden nih uknak a lak cun 2022 silole 2023 cun US kalnak OPE/RSC zung interview zong an on ṭhan lai i US kalnak kutka aa ong ṭhan lai ti ka zumh.

2021 lebang cu refugee 15,000 lawng lak dingin Trump nih minsen a thut cang caah Trump a kai ṭhan cun amah ṭuan chung cu Chinmi caah US kalnak a pit thai lai ti a fiang. Biden kai cun Obama lio tluk tam kan kal lai ti cu kaa ruahchan lo nain, Trump kai ṭhan i pakhat hmanh kal lo nak cun a ṭha deuh ngai lai ti ka zumh.

“2019 le 2020 zongah Malaysia le India um Chinmi US an phan ko cuta” an timi khi cu 2018 November 3 hlan ah OPE/RSC interview a phi cangmi le US um chungkhar nih US Tanzung lei in lakmi lawng an si. Adang hohmanh an kal lo.

Trump a kai cun ruahchannak zero asi, Biden kai cun ruahchannak um.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

COVID-19

Vawleipumpi
60,855,812
A zawmi
Updated on November 26, 2020 12:55 pm
Vawleipumpi
1,429,720
A thimi
Updated on November 26, 2020 12:55 pm
Vawleipumpi
41,687,689
A dammi
Updated on November 26, 2020 12:55 pm
- Advertisement -