Ram hnihnak ah atang mi Chin ralzam pawl cu Australia Cozah nih ram chung luhnak Visa apek cang hna nain, Covid-19 zawtnak ruang ah kumkhat leng a hren cang hna.
Ralzam zohkhenhtu hna nih Chin ralzam an phan than cang lai tiah thawngtha taktak a kan thanh. An phanh hnu ah chungkhar le Community cu thawng kan in thanh than te hna lai.
Perth khua an thutumnak kong ah chungkhar le Community nih nan rak bawmh cio hna lai tiah thawng an kan thanh.
Nai hrawng cu Afghanistan ralzam pawl cu hmunkhat te ah tam taktak in an phan ton leng mang, Chin ralzaam ram hnihnak i a tangmi hna zong Australia ram ah tampi an phanh khawh ve nak lai thlacamnak in rak bawm cio hna usih.
Caṭialtu: Pu Renny Ceu Lian Mang
A cungbik hmanthlak hi kum 2018 ah UNHCR nih “Chinmi cu an state a ṭha cang i refugee an si ti lo caah ram thumnak kan kalter ti hna lai lo…” tiah Chin refugee hlawt dingin thawng a thanh caah Malaysia um Chinmi nih UNHCR zung hmai ah sandah an piah lio si.
Mah tan ahcun atu caṭialtu Pu Renny Ceu Lian Mang te hi Australia in an ra i UNHCR Malaysia le Malaysia um Australia Tanzung an nawl hna. Thla tlawmpal hnu ah UNHCR nih Chin ralzaam hlawt ding a timi cu a leet.
