Chin Ralzaam Kong Khuakhannak Ni 3 Hnu Ah An Lim Cang

Chin Ralzaam Kong Khuakhannak Ni 3 Hnu Ah An Lim Cang
Image: Ram Tinthei

Chin Ralzaam Kong Khuakhannak meeting cu Kuala Lumpur khuapi ah ni 3 chung an tuah hnu, August 15 ah an lim cang.

Malaysia um Chin ralzaam bu 5 (ICC) le khrihfabu, le pengtlang tampi i bawm in ramleng um Chin upa pawl an sawm hna i August 13 in 15 tiang UNHCR nih Chin ralzaam caah biachahnak a tuahmi kong an ceih.

Zapi hnatlaknak in UNHCR sinah cohlanlonak ca kuat dingin bia funnak an ngei. A rauh hlan ah statement zong zapi hmuh in ICC chungtel ralzaam bu 5 (ACR, CRC, Dai, FRO le ZAM) Facebook page hna ah an rak tar te lai.

Meeting chungtel cheukhat le fellowship upa tampi nih, “tutan meeting nih zeihmanh a chuahpi lo ahcun Chinmi kan caah tuah awk a dih cang ti awk si ko, UNHCR biachahnak bangin a si thai cang lai tinak si ko,” tiah an ruahning an chim.

UNHCR ca an kuat hnu ah a thei tlai/lo cu a fiangte lai.

Ram Tinthei: Chin Refugees Consultation cu Kuala Lumpur khuapi ah ni 3 chung kan tuah kho. Malaysia i Chin ralzam community asimi hna ACR, CRC, FRO, DAI, le ZAM tiin ifonhmi Independent Chin Communities (ICC) nih a kan kawhmi asi. Biaknak lei fellowship zong tling khitkhette in an hun itel hna.

UNHCR nih Chin miphun kong i namneh le thleidan ngai in biachahnak a tuahmi cu kan zapi hnatlak in dohdalhnak ca kuat dingin biafun asi. Ramchung ramleng in a lamkip in kan hun i tel cio hna.

Tutan hi Chin miphun dihlak huap in tuahmi asi i, lung a hmui taktak. Khuakhan lairelti zong a nuam. Biafunnak tete zong ngeih asi i, cuti ningin rian tuan dingin hnatlaknak kan ngei. Statement zong zapi hmuh in hun thlah asi te lai.

Ramchung ramkhel party le NGO in a vun itel khomi hna;
U Saw Mya (CPP)
Salai Aung Ling (CLD),
Salai Aung Min Hlaing (ACNP)
Salai Isaac Khen (GDI, Myanmar)

Ramleng leiin;
Salai Elaisa Vahnie (USA, BACI)
Pu Lian Uk (USA)
Pu Do Khan Khup (Zomi Inkuan USA)
Ram Tinthei (Australia)
Pi Tial Hnem (Australia)
Sang Hnin Lian (CHRO)
Michael (CHRO)
Salai Bawi Lian Mang (CNF/CHRO)
Pu Victor Biak Lian (Canada)
Eric (Fortify Rights)
Amy (Fortify Rights)

Malaysia i Chin aiawhtu hna;
Independent Chin Communities
Malaysia Chin Christian Union
Chin Christian Fellowship
Zomi Christian Fellowship
Lai Christian Fellowship (Falam)
le a dangdang Khrihfabu tete zong an hun itel hna.

“Unau rual rualremte in khua kan khan timi hi Bawipa nih hna a kan tlakpi hrimhrim lai i, hlawh tlinnak zong a kan pek hrimhrim lai. Ami hna kan caah ruahchannnak innka kan on piak hram ko seh”.

Be the first to comment

Leave a Reply

Your email address will not be published.


*