16.4 C
Hakha
Thursday, July 29, 2021

Malaysia COVID-19

Malaysia
1,061,476
A zawmi
Updated on July 29, 2021 2:57 am
Malaysia
8,551
A thimi
Updated on July 29, 2021 2:57 am
Malaysia
877,812
A dammi
Updated on July 29, 2021 2:57 am

Paletwa ralzaam 100 hrawng Vice President khua Tikir ah an i thial

Advertisement

Chin state Paletwa peng i Miza khua ah aa dormi Chin ralzaam 100 hrawng (chungkhar 20) cu Myanmar Vice President Pu Henry Van Thio a chuahkehnak Thantlang peng Tikir khua ah i ṭhial dingin zahan zaan kha Thantlang an phan cang.

Chin state cozah biachimtu Vuanci U Soe Htet nih, “Tikir khua ah aa ṭhialmi ralzaam hna cu Chin state cozah tawlrelpiaknak in November 12 zingka ah Miza khua in an chuak i zaan cu Sami khua ah an riak,” tiah a chim.

“Sami khua in November 13 ah Matupi an phan. Matupi in zahan November 14 kha Thantlang ah an kal.

“Ral a thawhnak hmun ah an um khawh lo caah hika lei an hung i ṭhial cu a ṭha ko. A himnak hmun an hung phanh caah pawcawmnak rian zong a tlamtling deuh ko lai,” tiah vuanci nih a chim.

“Aa ṭhialmi ralzaam pawl umnak ding cu Tikir khua ah Natalah bawmhnak in man fawi inn 24 an sakpiak cang hna. Ralzaam pawl cu Pyidaungsu Hluttaw ah bawmhnak halpiak zong kan timh hna,” tiah a chim.

Tikir khuabawi nih, “kanmah lei cu redi kan si cang. An umnak ding inn zong kan thianh piak cang hna. Thaizing zong vok thah in kan don hna lai. Ramdang bawmhnak in thla 1 chung ei ding tirawl zong bawmh kan timh hna,” tiah a chim.

Ralzaam pawl cu tuni November 15 zingka ah cozah he tonnak an ngei lai i Tikir khua ah an lan lai.

Myanmar Ralkap le AA an i kahnak Chin state Paletwa peng um mipi hna cu nunnak kawl in an inn an zaamtak hna i ramtang le a him deuhnak pawngkam khua ah umnak rep lo le tirawl rep loin an um.

Atu Tikir khua ah aa ṭhialmi pawl hi Bawm (Hakha/Thantlang holh a thiammi) an si.

Charhchan: Chin World

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
196,692,497
A zawmi
Updated on July 29, 2021 2:57 am
Vawleipumpi
4,203,599
A thimi
Updated on July 29, 2021 2:57 am
Vawleipumpi
176,381,868
A dammi
Updated on July 29, 2021 2:57 am
- Advertisement -