Chin ralkap (CNA le hawi) nih Myanmar ralkap meithal zun 4 an lak

CNA le a ṭanṭi Chin ralkap pawl nih uknak firtu Myanmar ralkap an kah cuahmah liopi asi. Myanmar ralkap meithal zun 4 an lak khawh cang.

Myanmar ralkap pawl cu Kalaymyo in Laitlang lei ah hmai nawr kho loin Hiangzing khua ah an i taap peng rih ko.

Tu zing 7:30am ah Kalay University ah hmunkhuarmi Myanmar ralkap nih a langpar in miakpi in Laitlang lei hehchet an kah.

Nizaan kahdohnak ah Myanmar ralkap ruak 2 an hmuh pinah meithal zun 1 an char chap. Chin ralkap nih ralhrang meithal zun 4 le kuan tam ngai an lak khawh cang.

Nizaan kahdohnak ah Chin ralkap nih an tei ngai hna caah ralhrang nih cunglei vanlawng tiangin a kah hna. Mah ruangah CNA ralkap senthum Sergeant Pum Tuan Thang a nunnak liam.

Chin ralkap hliamtongmi 6 cu a himnak hmun ah an kal phakpi hna i thlop cuahmah hna lio asi.

Taingen khua pawng kahdohnak ah a ṭangṭi mi Chin ralkap hna cu;

  1. CNA,
  2. PDF Zoland,
  3. CDM Siyin,
  4. Zogam Army,
  5. PDA le
  6. CNDF an si.

Zomi PDF le Kalay PDF zong nihin ah an hung phan cang i an dihlak in hmunkhat ah ralhrang Myanmar ralkap an doṭi lai.

Ref: PDF Zoland le Salai Thomas Lian — Photo Credit: Salai Thomas Lian

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...