Chin Puaisa ‘Rosilin Pari’ Nih Ka Naupa le A Hawile A Hlen Hna

Chin Puaisa 'Rosilin Pari' Nih Ka Naupa le A Hawile A Hlen Hna

“China ram kalnak a tuahtu puaisa Rosilin Pari nih ka naupa le a hawile minung 10 leng a hlen peng hna,” tiah Malaysia um Chinpa Lal Pian Huna nih The Chin Express ah a chim.

“Mah kong hi ka chim lai lo ka ti nain Rosilin Pari hi a sual tuk chiahru. Chinmi nih rethei tukin an ttuanmi nuam tukin a hlen peng hna. Tuluk ram kal ding pawl mah nu sin hin kal hlah uh.”

“Ka naupa le ka nulepa hi Tahan peng, Kawlkulh khua ah a ummi an si i Rosilin Pari a nulepa hi Varpui khua ah a ummi an si. Ka naupa kan kalter hlan ah ka nu nih a nulepa a va ton hna i ‘kan fanu cu zeihmanh zumh lo awk um lo..’ an rak ti.”

Chin Puaisa 'Rosilin Pari' Nih Ka Naupa le A Hawile A Hlen Hna
Rosilin Pari

“China ram nan phak tikah phone dawr ah rian nan ttuan lai a ti hna caah ka naupa cu Rosilon Pari sin in kan kalternak a si.”

“Nain, China ram an phak tak cu plastic sehzung ah a ttuanter hna. Ni 20 an ttuan hnu ah palek nih an dawi hna i an zaam.”

“Thla 1 chung rianttuan awk ngei loin an um. Rawl zong ttha tein a pek hna lo lengah a pekmi hna rawl hi a rim nam ciami an si tawn.”

“Rawl kan pekmi hna hi nan ttuan man he aa ci cang a ti chap hna. Harsa tukin an um ruangah le rianttuan man a pek duh hna lo caah anmah tein Tuluk palek sinah i ap an i tim nain rianttuan tthan dingin a sawm hna.”

Chin Puaisa Rosilin Pari Nih Ka Naupa le A Hawile A Hlen Hna
A hlenmi Chinmi 10 leng

“Cuaipia sehzung ah a ttuanter tthan hna. Thla 3 chung ni 1 hmanh din loin ni fatin suimilaam 10 le 12 chung peng a ttuanter hna. Ka naupa cu a tai fak tuk i ni 1 te aa din, mah lo paoh cu thla 3 chung an i din bal lo.”

“Thla 3 chung an ttuan man cu Tuluk tangka 250 lawng a pek hna. Cucaah ka naule cu an thinhung tuk i kan liamh seh tiin palek sinah theihter dingin an kal. Tlunnak ding le tangka an ngei fawn lo.”

Chin Puaisa Rosilin Pari Nih Ka Naupa le A Hawile A Hlen Hna3

“Cu tikah an inn i an pupa (Rosilin Pari a tlangvalpa) nih cun Myanmar ram tiang kan thlah hna lai nain Rosilin Pari a nulepa cu hnahnawhnak nan pe hna lai lo a ti hna. Nain, Kawlram tiang thlah loin Guangdong tiang lawng a thlah hna i a zaam tak hna.”

“Bawmtu hohmanh ngei loin an um i an beidongh tuknak kong cu Messenger in voice an ka kuat. Ka ngaih cu ka lungfak tuk,” tiah a chim.

“Ka naupa le a hawile pawl cu palek nih an tlaih hna i atutiang thonginn chungah an um peng ko,” tiah a chimchap.

Be the first to comment

Leave a Reply

Your email address will not be published.


*