Kalaymyo Tanbu khuami Salai Than Sang cu April 1 ahkhan Aung Chian Tha i kahnak ah meithal in a pum ah an kah. Falam sizung ah an thlop nain chanh khawh loin tuni deihlan 2am ah a nunnak liam.
“Aung Chian Tha khua ah April 1 zingka 9am ah meithal kahnak aa thok. Ralkap pawl nih Than Sang cu a pum ah an kah,” tiah khuami pakhat nih a chim.
“Natchaung sizung ah an thlop nain X-ray thlak a hau an ti caah Kalaymyo silole Falam sizung kalpi hau. Fah theihlonak sii lawng an chunh.
“Natchaung lei cu meithal kahnak a um peng caah Hakhalay ah an thuhpi. Mah hnu ah Falam ah an kalpi. Zahan zaan 9pm lawngah operation an lim, deilei 2am ah a nunak liam,” tiah a chimchap.
Salai Than Sang hi kum 26 asi i Physics in degree ngah cangmi asi.
A ruak cu Falam le Webulah mino pawl nih an rak thlah i Hakhalay mino pawl nih an don. Thaizing ah an vui lai.
Ref: Chinlung Today
